کراچی: وزیرِ اعلیٰ سندھ سیّد مراد علی شاہ نے کہا ہے کہ بارش کے باعث مشکلات کا سامنا کرنے والے شہرِ قائد کے علاقوں کے مسائل پر کام کریں گے۔
تفصیلات کے مطابق وزیرِ اعلیٰ سندھ سیّد مراد علی شاہ نے آج کراچی کا ہنگامی دورہ کیا جس کے بارےمیں شہری انتظامیہ اور سندھ حکومت سمیت کسی کو بھی پہلے سے آگہی نہیں دی گئی۔
Sindh CM Syed Murad Ali Shah pays surprise visit of Karachi to …. pic.twitter.com/9i5PVn4IEl
— Sindh Chief Minister House (@SindhCMHouse) August 3, 2020
ہنگامی دورے کے دوران وزیرِ اعلیٰ سندھ مراد علی شاہ کراچی کے علاقے محمود آباد پہنچے جہاں انہوں نے شاہراہِ فیصل پر موجود محمود آباد نالے کا معائنہ کیا۔ اس موقعے پر وزیرِ تعلیم و محنت سندھ سعید غنی اور وزیرِ اطلاعات ناصر حسین شاہ سمیت دیگر بھی ان کے ہمراہ تھے۔
Sindh CM Murad Ali Shah visits Mahmoodabad Nala at Shahrahe Faisal pic.twitter.com/0MPCvpyncC
— Sindh Chief Minister House (@SindhCMHouse) August 3, 2020
بعد ازاں میڈیا سے گفتگو کرتے ہوئے وزیرِ اعلیٰ سندھ مراد علی شاہ نے کہا کہ میں آج کراچی کے اُن علاقوں کو دیکھنے کیلئے نکلا ہوں جہاں بارش کے باعث مسائل پیدا ہوئے کیونکہ بارشیں کم وقت میں زیادہ ہوئیں۔ لیاری اور شاہراہِ فیصل میں زیادہ مسائل پیدا نہیں ہوئے۔
گفتگو کے دوران وزیرِ اعلیٰ سندھ نے کہا کہ بارش کی نئی لہر آنے والی ہے جس کے دوران ہماری کوشش ہوگی کہ کراچی کے ان علاقوں کیلئے اقدامات اٹھائے جائیں جہاں بارش کے باعث مسائل پیدا ہوئے تاکہ آئندہ بارش کے دوران ایسے علاقے محفوظ رہیں۔
میڈیا نمائندے کے ایک سوال کا جواب دیتے ہوئے وزیرِا علیٰ سندھ مراد علی شاہ نے کہا کہ میں تنقید کرنے والوں کو کچھ نہیں کہوں گا۔ اچھی بات ہے کہ انہیں یہی آتا ہے۔ جسے تنقید آتی ہے وہ کرتا رہے۔
Sindh CM Syed Murad Ali Shah talks to media during his visit to city of Karachi… pic.twitter.com/wRtgeJKix1
— Sindh Chief Minister House (@SindhCMHouse) August 3, 2020
یہ بھی پڑھیں: دھابیجی اکنامک زون معیشت کیلئے بہت اہم ہے۔وزیرِ اعلیٰ