گوگل نیوز پر ہمیں فالو کریںکراچی: وزیرِ اعلیٰ سندھ سیّد مراد علی شاہ نے کہا ہے کہ کورونا وائرس کے خلاف سرحدوں کی حفاظت وفاق کی ذمہ داری ہے جسے پورا نہیں کیا جاسکا۔
سماجی رابطے کی ویب سائٹ ٹوئٹر پرگزشتہ روز اپنے پیغام میں وزیرِ اعلیٰ سندھ سیّد مراد علی شاہ نے کہا کہ وفاقی حکومت کی یہ آئینی ذمہ داری تھی کہ سرحدوں پر کورونا وائرس پر لوگوں کو قرنطینہ میں رکھا جاتا۔
وزیرِ اعلیٰ سندھ نے کہا کہ یہ بہت بڑی بد قسمتی ہے کہ بلوچستان کی صوبائی حکومت سے یہ توقع کی گئی کہ سرحدوں پر قرنطینہ کا اہتمام کرے جبکہ اس کے لیے حکومتِ پاکستان نے اس کی ذرّہ بھر بھی امداد نہیں کی۔
وفاقی حکومت کی پالیسی پر تنقید کرتے ہوئے وزیرِ اعلیٰ سندھ نے کہا کہ کورونا وائرس جیسی آفت سے مقابلہ آسان نہیں ہے جب تک ہر شخص اپنے حصے کی ذمہ داری پوری نہ کرے۔
Quarantine at borders is the Constitutional responsibility of the Federal Government. It is most unfortunate that the Government of Balochistan was expected to carry out a quarantine, with literally zero help from GoP. Crisis cannot be averted until everyone acts responsibly.
— Murad Ali Shah (@MuradAliShahPPP) March 16, 2020
یاد رہے کہ اس سے قبل حکومتِ پاکستان نے ملک میں تیزی سے پھیلتے ہوئے کورونا وائرس کے انسداد کے حوالے سے معلومات کو فروغ دینے کے لیے ویب سائٹ قائم کردی۔
ٹوئٹر پرگزشتہ روز اپنے پیغام میں معاونِ خصوصی برائے امورِ صحت ڈاکٹر ظفر مرزا نے کہا کہ پاکستان میں کورونا وائرس کے حوالے سے معلومات کے لیے ویب سائٹ قائم کردی گئی ہے۔
مزید پڑھیں کورونا وائرس پر معلومات کے فروغ کیلئے ویب سائٹ قائم
