کراچی: پاکستان تحریکِ انصاف کراچی ڈویژن کے سینئر رہنما اور رکنِ سندھ اسمبلی ارسلان تاج گھمن آئی جی سندھ کے معاملے پر پیپلز پارٹی کی صوبائی حکومت سے ناراض ہو گئے۔
سماجی رابطے کی ویب سائٹ ٹوئٹر پر اپنے پیغام میں ناراضگی کا اظہار کرتے ہوئے رکنِ سندھ اسمبلی ارسلان تاج نے کہا کہ آئی جی کے معاملے میں پیپلز پارٹی کہتی ہے کہ پنجاب میں جو ہوا، وہی کیا جائے۔
رکنِ سندھ اسمبلی ارسلان تاج نے کہا کہ پیپلز پارٹی کہتی ہے کہ پنجاب کی پریکٹس آئی جی سندھ کے معاملے میں دہرانے کا کہنے والی پیپلز پارٹی کا کہنا ہے کہ قانون کو نہ دیکھا جائے لیکن پی اے سی کے معاملے پر یہ اصول نہیں۔
ارسلان تاج نے کہا کہ اگر پیپلز پارٹی پنجاب میں آئی جی کے اصول کو سندھ میں نافذ کرنا چاہتی ہے تو پنجاب میں پی اے سی معاملے پر بھی یہی حکمتِ عملی اختیار کی جائے۔
انہوں نے کہا کہ اگر آئی جی کے معاملے میں پنجاب میں جو ہوا وہی سندھ میں ہوگا اور قانون کو نہیں دیکھا جائے گا تو پی اے سی کے معاملے پر بھی یہی کیا جائے۔ قانون کو نہ دیکھا جائے۔
IG ke mamley mein PPP kehti hai k Punjab mei jo practice hui wohi follow ki jaye, qanoon ko na dekha jaye.
To phir jo Punjab mein PAC mein jo practice hui wo Sindh mein bhi practice ki jaye, qanoon ko na dekha jaye.#sindh
— Arsalan Taj (@ArsalanGhumman) February 9, 2020
یاد رہے کہ اس سے قبل پاکستان تحریکِ انصاف رکنِ قومی اسمبلی کے استعفے کی غلط خبر چلانے پر نجی چینل جیو نیوز پر برہم ہو گئی، رکنِ سندھ اسمبلی ارسلان تاج نے کہا کہ ٹی وی چینل نے غلط رپورٹنگ کی۔
ٹوئٹر پر چار روز قبل اپنے پیغام میں رکنِ سندھ اسمبلی ارسلان تاج گھمن نے کہا کہ جیو نیوز نے غیر ذمہ دارانہ اور غیر پیشہ ورانہ رپورٹنگ کی جس کا نوٹس لیا جانا چاہئے۔
مزید پڑھیں: رکنِ قومی اسمبلی کے استعفے کی غلط خبر پر تحریکِ انصاف برہم