اسلام آباد: وزیر اعظم عمران خان نے زمینی ریکارڈ ڈیجیٹل کرنے کا فیصلہ کر لیا جس سے کرپشن کے خاتمے میں مدد ملے گی۔ قبضہ مافیا کی شامت آگئی۔
تفصیلات کے مطابق وزیر اعظم عمران خان آج لینڈ ریکارڈ ڈیجیٹائزیشن پراجیکٹ کا افتتاح کریں گے جس کے متعلق سوشل میڈیا پر پیغام جاری کردیا گیا۔
سماجی رابطے کی ویب سائٹ ٹوئٹر پر اپنے پیغام میں وزیر اعظم کے معاونِ خصوصی برائے سیاسی ابلاغ ڈاکٹر شہباز گل نے انقلابی ڈیجیٹائزیشن پراجیکٹ کے متعلق بتایا۔
وزیر اعظم کے معاونِ خصوصی شہباز گل نے کہا کہ وزیر اعظم عمران خان آج ایک ایسے منصوبے کا آغاز کر رہے ہیں جس سے پاکستان میں انقلاب آجائے گا۔
معاونِ خصوصی شہباز گِل نے کہا کہ آپ کو کوئی جعلی پلاٹ نہیں ملے گا، رشوت لے کر جھوٹی فرد نہیں بنائی جائے گی، سرکاری یا نجی زمین پر جعلی قبضہ نہیں ہوسکے گا۔
انشاللہ آج وزیراعظم عمران خان ایک ایسے منصوبے کا آغاز کرنے جا رہے ہیں جس سے پاکستان میں ایک انقلاب آئے گا۔آپکو کو کوئی جعلی پلاٹ، رشوت لے کر جھوٹی فرد،سرکاری یا نجی زمین پر جعلی قبضہ نہیں کر سکے گا۔اسی منصوبے سے صرف اسلام آباد میں 300 ارب سے زیادہ حکومتی زمین حکومت کو واپس ملی pic.twitter.com/5CmrzvZIaS
— Dr. Shahbaz GiLL (@SHABAZGIL) September 8, 2021
ڈاکٹر شہباز گِل نے کہا کہ اس منصوبے سے صرف اسلام آباد میں حکومت کو 300 ارب سے زیادہ سرکاری زمین واپس لانے میں مدد ملی۔
جی آئی ایس (جیوگرافک انفارمیشن سسٹم) کے تحت سروے آف پاکستان کا تیار کردہ ماڈرن ڈیجیٹل آن لائن سسٹم تشکیل دے دیا گیا جس کا مقصد ریکارڈ کو ڈیجیٹلائز شکل دینا ہے۔
یہ بھی پڑھیں: سرمایہ کاری کیلئے سمندر پار پاکستانیوں کو سہولیات دینگے۔وزیر اعظم