اسلام آباد: وزیرِ اعظم عمران خان نے ملکی معیشت اور مہنگائی میں کمی کے حوالے سے عوام کو خوشخبری سناتے ہوئے کہا ہے کہ حکومت مہنگائی کم کرنے کیلئے جو کوششیں کر رہی ہیں، وہ کامیاب ثابت ہوئیں۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ معاشی حوالے سے نئی خوشخبری یہ ہے کہ مہنگائی میں کمی کے حوالے سے ہماری کاوشیں بار آور ثابت ہو رہی ہیں۔
پیغام میں وزیرِ اعظم عمران خان نے کہا کہ کنزیومر پرائس انڈیکس اور مہنگائی آج اس سطح سے کم ہو گئی ہیں جس پر یہ تحریکِ انصاف کے حکومت سبھالنے کے وقت برقرار تھیں۔
وزیرِ اعظم عمران خان نے کہا کہ میں نے اپنی معاشی ٹیم کو ہدایت کی ہے کہ مہنگائی پر قابو پانے کیلئے محتاط رہیں اور یہ بات یقینی بنائی جائے کہ عوام کی زندگی کو آسان کرنے کیلئے مہنگائی پر قابو برقرار رہے۔
معاشی حوالےسےمزیدخوشخبری ہےکہ گرانی میں کمی کےحوالے سےہماری کاوشیں بارآور ہو رہی ہیں۔ کنزیومر پرائس انڈیکس اورکور اِنفلیشن آج اس سطح سےنیچےہیں جس پر یہ ہمارےحکومت سنبھالنےکےوقت تھیں۔میں نے اپنی معاشی ٹیم کو ہدایت کی ہےکہ محتاط رہیں اور یقینی بنائیں کہ مہنگائی پر قابو برقرار رہے۔
— Imran Khan (@ImranKhanPTI) January 31, 2021
یہ بھی پڑھیں: ہدف سے زائد ٹیکس ریونیو، جولائی تا جنوری 6.5 فیصد اضافہ ریکارڈ