گوگل نیوز پر ہمیں فالو کریںکراچی: صوبہ سندھ کی رکنِ صوبائی اسمبلی دُعا بھٹو نے سندھ حکومت کی کاکردگی پر سوالات اٹھاتے ہوئے کہا ہے کہ صوبے کا تقریباً 115 ارب کا صحت بجٹ کہاں جا رہا ہے؟
سماجی رابطے کی ویب سائٹ ٹوئٹر پر اپنے پیغام میں رکنِ سندھ اسمبلی دُعا بھٹو نے کہا کہ 115 ارب کے بجٹ میں عوام کو کیا مل رہا ہے، یہ بات عوام کے سامنے ہے۔
پیغام میں رکنِ سندھ اسمبلی دُعا بھٹو نے کہا کہ سندھ کے علاقے بتھورو کے ہسپتال میں ایمرجنسی وارڈ سے تعفن اٹھ رہا ہے جبکہ ٹھٹھہ میں واقع میرپور بتھورو ہسپتال کا عملہ بھی ڈیوٹی پر موجود نہیں۔
رکنِ سندھ اسمبلی دُعا بھٹو نے کہا کہ عملہ نہ جانے کہاں ہے جبکہ ہسپتال میں طبی مشینری ناپید ہے۔ جتنے ارب کا بجٹ ہے، اس کا 50 فیصد بھی لگ جائے تو سندھ کے عوام کی تقدیر بدل جائے گی۔
دُعا بھٹو نے سندھ حکومت کے محکمۂ سندھ پر کڑی تنقید جاری رکھتے ہوئے کہا کہ کاش ان حکمرانوں کو بھی اسی ہسپتال میں علاج کروانا لازم ہوتا۔
سندھ حکومت کاتقریبا115بلین کاہیلتھ بجٹ اورعوام کوکیامل رہاآپکےسامنےہے۔پتھوروکایہ ہسپتال اسکاایمرجنسی جہاں تعفن اٹھ رہاعملہ نہ جانےکہاں اورطبعی مشینری ناپید،جتنےارب کابجٹ ہےاسکا50فیصدلگ جائےتوسندھ عوام کی تقدیربدل جائےکاش ان حکمرانوں بھی اسی ہسپتال میں علاج کروانالازم ہوتا -اے کاش pic.twitter.com/cLQ9ZLjzEO
— DuaBhuttoPTI (@Dua_KamilBhutto) February 18, 2020
سندھ حکومت کی کارکردگی کو نشانہ بناتے ہوئے رکنِ صوبائی اسمبلی دُعا بھٹو نے کہا کہ یہ ہسپتال نہیں، گندگی ، تعفن اور غلاظت کا ڈھیر ہے جہاں صحت مند بھی آجائیں تو بیماری ساتھ لے کر جائیں گے۔
تنقید کرتے ہوئے دُعا بھٹو نے مزید کہا کہ مسلسل ایک دہائی سے سندھ حکومت زرداری خاندان کے پاس ہے لیکن سوائے بیماری، بدعنوانی اور سرِ عام قتل کے، عوام کو کچھ نہ ملا۔
پھتورو کے یہ ہسپتال نہیں گندگی تعفن اور غلاظت کا ڈھیر ہے جہاں صحت مند لوگ بھی آجائیں تو بیماری ساتھ لیکر جائیں مسلسل ایک دہائی سےسندھ حکومت زرداریوں کے پاس لیکن سوائے بیماری کرپشن اور سرعام قتل کے عوام کو کچھ نہ ملا@MediaCellPPP pic.twitter.com/hyyzA8eydp
— DuaBhuttoPTI (@Dua_KamilBhutto) February 18, 2020
سوالات اٹھانے کا سلسلہ جاری رکھتے ہوئے دُعا بھٹو نے سوال کیا کہ اِس بیڈ پر مریض کا علاج ہوگا؟ اِس ایمرجنسی روم میں ہنگامی سہولیات دی جائیں گی؟ آپ سوچیں مریض کو خدا کا کرشمہ ہی موت سے بچا رہا ہے۔
ایم پی اے دُعا بھٹو نے کہا کہ سائیں سرکار عوام کو بنیادی سہولیات کب دے گی؟ بھٹو اور زرداریوں نے 4 دہائیوں سے سندھ کے عوام کو یہ غلاظت دی ہے۔
https://twitter.com/DuaBhuttoPTI/status/1229684415942610944
انہوں نے کہا کہ سندھ کا صحت بجٹ دیکھئے اور یہ بھی کہ ہسپتال کے عملے میں ایک ڈاکٹر، دو اسٹاف ممبرز اور سہولیات میں 3 چادریں، چند گندے بیڈ اور سڑتے ہوئے کچھ آلات ہیں۔11 سال سے سندھ حکومت کی یہ کارکردگی ہے۔
بلاعنوان!!! خود دیکھ لیں سندھ کا صحت بجٹ تقریبا 115000000000 روپے اور اس ہسپتال کے عملہ میں ایک ڈاکٹر دو سٹاف ممبرز اور سہولیات میں تین چادریں چند گندے بیڈ اور سڑتے ہوئے کچھ آلات یہ ہو رہی ہے 11 سال سے سندھ کی خدمت دن رات لگاتار کھائی جاو تے پکڑائی وی نہ جاو۔@MediaCellPPP pic.twitter.com/0PzcBU1fvN
— DuaBhuttoPTI (@Dua_KamilBhutto) February 18, 2020
