کراچی: پاکستان تحریکِ انصاف نے روز کمانے والے مزدور افراد کے ساتھ ہمدردی کا اظہار کرتے ہوئے کہا ہے کہ اِس ملک کا امیر طبقہ خود غرضی کا شکار ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں تحریکِ انصاف کے رکنِ سندھ اسمبلی ارسلان تاج گھمن نے کہا کہ پاکستان کا امیر کبیر طبقہ اتنا خود غرض ہے کہ وہ یہ سمجھنے سے ہی قاصر ہے کہ کورونا وائرس سے پیدا ہونے والی صورتحال میں روز کے روز کمانے والے غریب لوگوں کا کیا ہوگا۔
تحریکِ انصاف کے رکنِ سندھ اسمبلی نے کہا کہ ملک کا امیر طبقہ اگلے کچھ مہینوں کے لیے گھر سے باہر نکل کر ضروریاتِ زندگی کی اشیاء خریدنے کے قابل ہوگا، تاہم دہاڑی دار مزدور طبقہ یہ نہیں کرسکتا۔
رکنِ سندھ اسمبلی ارسلان تاج گھمن نے کہا کہ امیر طبقے کو یاد رکھنا ہوگا کہ آپ کو اپنے اعمال کے نتائج دیر سے نہیں بلکہ جلد ہی بھگتنے پڑیں گے۔
The elite of this country is so selfish that they r unable to understand what will happen to daily wagers. The elite class can go buy goods for next few months but the daily wagers can’t.
The zombie elite must remember karma will hit u back not later but sooner#CoronaInPakistan
— Arsalan Taj (@ArsalanGhumman) March 19, 2020
یاد رہے کہ اِس سے قبل وفاقی وزیر برائے سائنس و ٹیکنالوجی فواد چوہدری نے کہا کہ صرف سائنس ہی کورونا وائرس جیسی وباء کا حل تلاش کرسکتی ہے۔
ٹوئٹر پر گزشتہ روز اپنے پیغام میں وزیر سائنس و ٹیکنالوجی فواد چوہدری نے کہا کہ سائنس ہی دنیا کو ایسی وباؤں سے بچا سکتی ہے، پاکستان سمیت دنیا بھر میں پاکستانی سائنسدان اس پر کام کر رہے ہیں۔
مزید پڑھیں: سائنس کورونا وائرس جیسی وباء کا حل تلاش کر سکتی ہے۔فواد چوہدری