اسلام آباد: وفاقی وزیر برائے سائنس و ٹیکنالوجی فواد چوہدری نے کہا ہے کہ صرف سائنس ہی کورونا وائرس جیسی وباء کا حل تلاش کرسکتی ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں وزیر سائنس و ٹیکنالوجی فواد چوہدری نے کہا کہ سائنس ہی دنیا کو ایسی وباؤں سے بچا سکتی ہے، پاکستان سمیت دنیا بھر میں پاکستانی سائنسدان اس پر کام کر رہے ہیں۔
پیغام میں وفاقی وزیر فواد چوہدری نے کہا کہ میں پاکستانی تحقیقی اداروں اور محققین سے درخواست کرتا ہوں کہ وہ عام لوگوں کی قوتِ خرید میں آنے والے سستے وینٹیلیٹرز کے منصوبوں پر کام کریں۔
Only Science can save the world from such pendamics,Pakistani scientists around the world and in Pak are playing crucial role in a combat against #coronavirus I may request Pakistani Reserach institutions n Researchers to work on affordable versions of Ventilators….
— Ch Fawad Hussain (@fawadchaudhry) March 19, 2020
یاد رہے کہ اس سے قبل وفاقیوزیر سائنس و ٹیکنالوجی فواد چوہدری نے امریکی کمپنیوں کو پاکستان میں مختلف شعبوں میں سرمایہ کاری کرنے کی دعوت دی۔
کیلیفورنیا میں کانفرنس سے چار روز قبل اپنے خطاب کے دوران فواد چوہدری نے امریکی کمپنیوں کو زراعت ودیگرشعبوں میں سرمایہ کاری کی دعوت دی اور انہیں یقین دلایا کہ حکومت ان کوہر ممکن سہولت فراہم کرے گی۔
مزید پڑھیں: فواد چوہدری کی امریکی کمپنیوں کو سرمایہ کاری کی دعوت