ویکسین لگوانے کے بعد عمران خان کو کورونا کیوں ہوا؟ فضل الرحمان کا سنسنی خیز انکشاف

اسلام آباد: وزیراعظم عمران خان کے کورونا وائرس میں مبتلا ہونے کے بعد اپوزیشن نے ایک تنقید کیلئے ایک نیا محاذ کھول دیا، فضل الرحمان کے سنسنی خیز انکشاف کے بعد سیاسی حلقوں میں تشویش کی لہر دوڑ گئی۔

امیر جمعیت علماء اسلام اور چیئرمین پاکستان ڈیموکریٹک موومنٹ مولانا فضل الرحمان کا کہنا ہے کہ میں عمران خان کی صحت یابی کیلئے دعا گو ہوں لیکن سوال یہ ہے کہ ویکسین لگوانے کے بعد کورونا ہونے کا مطلب یہ ہے کہ یا تو ویکسین فراڈ ہے یا کورونا فراڈ ہے۔

یا تو ویکسین فراڈ ھے یا اس سے اگلے دن کرونا ھو جانا فراڈ ھے۔
ادھر 22 تاریخ کو الیکشن کمیشن نے انکو فارن فنڈنگ کیس میں بلا لیا ھے ادھر انکو ویکسین کے بعد کرونا ھو گیا 😃..مولانا فضل الرحمٰن pic.twitter.com/KtFUChX4P9

— Asmatullah (@Ch68021) March 21, 2021

ان کا کہنا ہے کہ ایک طرف الیکشن کمیشن نے عمران خان کو فارن فنڈنگ کیس میں 22 مارچ کو طلب کیا ہے اور دوسری طرف ویکسین لگوانے کے باوجود 20 مارچ کو عمران خان کو کورونا ہوگیا ہے یہ چیزیں سمجھ میں نہیں آتیں۔

مولانا فضل الرحمان کا کہنا ہے کہ عمران خان کے ذاتی ڈاکٹرز نے ان کوکورونا ہونے کا اعلان کیا ہے، عمران خان فارن فنڈنگ کیس سے بچنے کیلئے ڈھونگ کررہے ہیں لیکن تمام چیزیں خود کھل کر سامنے آرہی ہیں۔

امیر جے یو آئی کے انکشاف کے بعد سیاسی حلقوں میں تشویش کی لہر دوڑ گئی ہے، سیاسی حلقوں کا کہنا ہے کہ عمران خان کو فارن فنڈنگ کیس میں کورونا کے پیچھے چھپنے کے بجائے سامنے آنا چاہیے تاکہ قوم کو حقائق معلوم ہوسکیں۔

مزید پڑھیں:ویکسین لگوانے کے بعد وزیراعظم عمران خان کورونا وائرس کا شکار، طبیعت ناساز

واضح رہے کہ وزیراعظم کے معاون خصوصی ڈاکٹر فیصل سلطان نے گزشتہ روز عمران خان کے کورونا وائرس میں مبتلا ہونے کی تصدیق کی تھی جس کے بعد خاتون اول کا ٹیسٹ بھی مثبت آیا تھا۔