اسلام آباد:وزیرِ اعظم کے معاونِ خصوصی برائے امورِ نوجوانان عثمان ڈار نے سندھ حکومت کے فیصلے کو سراہتے ہوئے کہا ہے کہ ٹائیگر فورس کی خدمات لینے کا فیصلہ قابلِ تحسین ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی عثمان ڈار نے کہا کہ سندھ حکومت کا مستحق افراد کو راشن تقسیم کرنے کے لیے ٹائیگر فورس کی خدمات لینے کا فیصلہ خوش آئند ہے۔
وزیرِ اعظم عمران خان کے کورونا ریلیف ٹائیگر فورس کے قیام کے فیصلے کی تعریف کرتے ہوئے معاونِ خصوصی عثمان ڈار نے کہا کہ عمران خان کے اقدامات سیاسی بنیادوں سے بالاتر ہوتے ہیں۔
معاونِ خصوصی عثمان ڈار نے ٹائیگر فورس کے قیام کو مستحسن اقدام قرار دیتے ہوئے کہا کہ وزیرِ اعظم عمران خان کے فیصلے ملک و قوم کے لیے ہوتے ہیں۔
سندھ حکومت کا مستحق افراد کو راشن تقسیم کرنے کیلئے "وزیراعظم کورونا ریلیف ٹائیگر فورس" کی خدمات لینے کا فیصلہ خوش آئند ہے۔ُ
عمران خان صاحب کے اقدمات سیاسی بنیادوں سے بالاتر اور ملک و قوم کیلئے ہوتے ہیں۔ pic.twitter.com/YPUsf5fx3d— Usman Dar (@UdarOfficial) April 19, 2020
یاد رہے کہ اس سے قبل کورونا وائرس کے باعث صوبہ سندھ میں لاک ڈاؤن کے دوران مستحقین کی امداد کیلئے سندھ حکومت نے فیصلہ کیا کہ وزیرِ اعظم عمران خان کی ٹائیگر فورس کو سندھ میں راشن کی تقسیم میں شامل کیا جائے۔
صوبائی چیف سیکریٹری کی ہدایت پر حکام نے سندھ بھر کے کمشنرز کو خط لکھ دیا جس کےمطابق صوبے بھر میں راشن بہتر طریقے سے تقسیم کرنے کے لیے ٹائیگر فورس کی خدمات لی جائیں گی۔
مزید پڑھیں: ٹائیگر فورس کو سندھ میں راشن کی تقسیم میں شامل کرنے کا فیصلہ