کراچی:سندھ حکومت کے ترجمان بیرسٹر مرتضیٰ وہاب نے کہا ہے کہ صوبائی حکومت پورے پاکستان کی خدمت کر رہی ہے۔
سماجی رابطے کی ویب سائٹ ٹوئٹر پر اپنے پیغام میں ترجمانِ سندھ حکومت بیرسٹر مرتضیٰ وہاب نے فتاح نامی ایک سوشل میڈیا صارف کے پیغام پر ردِ عمل دیا جس نے کہا کہ تحقیق سے پتہ چلتا ہے کہ سندھ وہ واحد صوبہ ہے جہاں جگر ٹرانسپلانٹ کیاجاتا ہے۔
سوشل میڈیا صارف نے کہا کہ گزشتہ برس مارچ سے لے کر ستمبر تک لاہور میں جگر ٹرانسپلانٹ کرنے کیلئے آپریشنز کی تعداد مجموعی طور پر صفر بنتی ہے جس پر ترجمان سندھ حکومت بیرسٹر مرتضیٰ وہاب خاموش نہ رہ سکے۔
ترجمان سندھ حکومت نے پیغام پر ردِ عمل دیتے ہوئے کہا کہ ہم نے سندھ میں 200 آپریشنز کیے جن میں جگر کامیابی سے ٹرانسپلانٹ کیا گیا۔ اللہ کا شکر ہے کہ پورے ملک سے جگر کے مریض جگر ٹرانسپلانٹ کروانے سندھ آتے ہیں۔
بیرسٹر مرتضیٰ وہاب نے کہا کہ سندھ حکومت جگر ٹرانسپلانٹ کرنے اور طبی سہولیات کے حوالے سے پورے ملک کی خدمت میں مصروف ہے۔
And here in Sindh we have done 200 successful liver transplants as of today and Alhamdolillah patients from all over the country have availed this free of cost state of the art facility. #Sindh serving the entire nation
— Murtaza Wahab Siddiqui (@murtazawahab1) May 16, 2020