وزیر اعظم شہباز شریف کی بلاول بھٹو کو وزیر خارجہ بننے پر مبارکباد

اسلام آباد: وزیر اعظم پاکستان میاں محمد شہباز شریف نے چیئرمین پی پی پی بلاول بھٹو زرداری کو وزیرِ خارجہ بننے پر مبارکباد پیش کرتے ہوئے نیک تمناؤں کا اظہار کیا ہے۔

سماجی رابطے کی ویب سائٹ ٹوئٹر پر وزیر اعظم میاں شہباز شریف نے بلاول بھٹو زرداری کو ملک کا وزیرِ خارجہ بننے پر تہنیتی پیغام دیتے ہوئے کہا کہ عوامی خدمت کا کیرئیر شروع کرنے پر دلی مبارکباد دیتا ہوں۔

یہ بھی پڑھیں:

وزیر خارجہ کا چینی سفارت خانے کا دورہ، چینی شہریوں کی ہلاکت پر اظہارِ افسوس

ٹوئٹر پیغام میں وزیر اعظم شہباز شریف نے کہا کہ مجھے اعتماد ہے کہ بلاول بھٹو زرداری ملک کی خارجہ پالیسی میں خاطر خواہ اہمیت کا اضافہ کریں گے اور اپنے تروتازہ بیانیے سے اسے تقویت دیں گے۔

Heartiest congratulations to @BBhuttoZardari on the start of his public service career. I am confident he will add tremendous value to our foreign policy and inject it with a fresh perspective. I wish him the very best & look forward to working with him.

— Shehbaz Sharif (@CMShehbaz) April 27, 2022

ملک کے نئے وزیر خارجہ کیلئے نیک تمناؤں کا اظہار کرتے ہوئے وزیر اعظم میاں محمد شہباز شریف نے کہا کہ میری خواہش ہے کہ بلاول بھٹو زرداری ملک کی بہترین خدمت کریں  اور میں ان کے ساتھ  ملک کیلئے کام کرنے کا منتظر ہوں۔ 

خیال رہے کہ اس سے قبل پاکستان کے جواں سال وزیر خارجہ بلاول بھٹو زرداری نے جامعہ کراچی میں خودکش دھماکے کے بعد چینی سفارتخانے کا دورہ کیا اور دہشت گردی کے واقعے میں چینی شہریوں کی ہلاکت پر افسوس اور گہرے رنج و غم کا اظہار کیا۔

 وزیرِ خارجہ وزیرِ مملکت برائے خارجہ حنا ربانی کھر کے ہمراہ چینی سفارت خانے پہنچے اور چینی حکام سے ملاقات کی۔ اس موقعے پر گفتگو کرتے ہوئے بلاول بھٹو زرداری نے کہا کہ پاکستان اور چین کے مابین نسل در نسل وفاؤں کے سلسلے پر مبنی رشتہ ہے۔