گوگل نیوز پر ہمیں فالو کریںلاہور: وزیرِ اعلیٰ پنجاب نے کہا ہے کہ پنجاب کابینہ کے اہم فیصلے کے تحت 13 ہزار 700 ایکڑ کے جنگلات کو قومی پارک قرار دے دیا گیا۔
سماجی رابطے کی ویب سائٹ ٹوئٹر پر اپنے پیغام میں وزیرِ اعلیٰ پنجاب سردار عثمان بزدار نے کہا کہ وزیرِ اعظم عمران خان کے ویژن کے مطابق پنجاب کابینہ نے سالٹ رینج میں قائم سمبلی جنگلات کی 13 ہزار 700 ایکڑ اراضی کو نیشنل پارک قرار دے دیا ہے۔
پیغام میں وزیرِ اعلیٰ پنجاب سردار عثمان بزدار نے کہا کہ پنجاب کابینہ کی طرف سے منظوری کے بعد یہ اقدام ہمارے ماحول کو محفوظ رکھنے کے ساتھ ساتھ سبزہ زاروں کو بھی فروغ دے گا، تاہم جنگلی حیات کے تحفظ کیلئے ہر قسم کے شکار پر پابندی ہوگی۔
As per the vision of PM @ImranKhanPTI, Punjab Cabinet has declared 13,700 Acres area of Smibli Forest, in Salt Range, as "National Park"
This will not only preserve our environment and improve tree cover, but all kinds of hunting will also be banned for conservation of wildlife!
— Usman Buzdar (@UsmanAKBuzdar) June 25, 2020
یاد رہے کہ اس سے قبل سپریم کورٹ میں جنگلات کی کٹائی سے متعلق کیس کی سماعت کے دوران چیف جسٹس نے جنگلات کی زمین کی غیرقانونی الاٹمنٹ منسوخ کرنے کا حکم دے دیا۔
چیف جسٹس گلزار احمد کی سربراہی میں 5 ماہ قبل جنگلات کی کٹائی سے متعلق کیس کی سماعت ہوئی ،دوران سماعت چیف جسٹس کااپنے یمارکس میں کہنا تھا کہ سندھ کی محکمہ جنگلات کی ساری زمین پر قبضے ہیں۔
مزید پڑھیں: چیف جسٹس کا جنگلات کی زمین کی الاٹمنٹ منسوخ کرنے کا حکم
