اسلام آباد: وزیرِ اعظم عمران خان نے ترسیلاتِ زر کا نیا ریکارڈ قائم ہونے پر سمندر پار پاکستانیوں کو شاندار الفاظ میں خراجِ تحسین پیش کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ مجھے ہمیشہ یہ یقین رہا کہ سمندر پار پاکستانی وطن کیلئے سب سے عظیم اثاثہ ہیں۔
پیغام میں وزیرِ اعظم عمران خان نے کہا کہ اپریل میں ترسیلاتِ زر 2 اعشاریہ 8 ارب ڈالر کی بلند ترین سطح پر پہنچ گئیں۔ رواں مالی سال کے پہلے 10 ماہ میں ترسیلاتِ زر 24 اعشاریہ 2 ارب رہیں۔
وزیرِ اعظم عمران خان نے کہا کہ گزشتہ مالی سال میں مجموعی طور پر جو ترسیلاتِ زر موصول ہوئیں، ان کے مقابلے میں رواں مالی سال کے 10 ماہ کی ترسیلاتِ زر زیادہ ہونے کا نیا ریکارڈ قائم ہوگیا۔
انہوں نے بیرونِ ملک مقیم ہم وطنوں کو خراجِ تحسین پیش کرتے ہوئے کہا کہ نیا پاکستان کے ویژن پر یقین رکھنے والے سمندر پار پاکستانیوں کا شکرگزار ہوں۔
I have always believed Overseas Pakistanis to be our greatest asset. In April, your remittances rose to an all-time high of $2.8bn. Remitting $24.2bn in first 10 mths of FY21, you have broken the record level achieved in entire FY20. Thank you for your faith in Naya Pakistan.
— Imran Khan (@ImranKhanPTI) May 18, 2021
یاد رہے کہ اِس سے قبل وزیرِ اعظم عمران خان نے ترسیلاتِ زر کا نیا ریکارڈ قائم کرنے پر سمندر پار پاکستانیوں کا شکریہ ادا کیا اور ان کی وطن کیلئے محبت کی شاندار الفاظ میں تعریف بھی کی۔
ٹوئٹر پر گزشتہ ماہ 12 اپریل کے روز اپنے پیغام میں وزیرِ اعظم عمران خان نے کہا کہ سمندر پار پاکستانیوں کی اپنے وطن کیلئے محبت اور عزم و حوصلہ غیر متزلزل ہے۔
مزید پڑھیں: وزیرِ اعظم ترسیلاتِ زر کیلئے سمندر پار پاکستانیوں کے شکر گزار