گوگل نیوز پر ہمیں فالو کریںاسلام آباد: وزیرِ اعظم پاکستان عمران خان نے ترسیلاتِ زر کا نیا ریکارڈ قائم کرنے پر سمندر پار پاکستانیوں کا شکریہ ادا کیا اور ان کی وطن کیلئے محبت کی شاندار الفاظ میں تعریف بھی کی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ سمندر پار پاکستانیوں کی اپنے وطن کیلئے محبت اور عزم و حوصلہ غیر متزلزل ہے۔
پیغام میں وزیرِ اعظم عمران خان نے سمندر پار پاکستانیوں کو مخاطب کرتے ہوئے کہا کہ آپ نے مسلسل 10ویں مہینے میں 2 ارب ڈالر سے زائد رقوم پاکستان بھجوائیں۔
وزیرِ اعظم عمران خان نے کہا کہ یہ ریکارڈ رقوم سمندر پار پاکستانیوں نے کورونا وائرس کی عالمی وباء کے دوران بھجوائیں۔مارچ میں ترسیلاتِ زر 2 اعشاریہ 7 ارب ڈالر تک جا پہنچیں۔
انہوں نے کہا کہ گزشتہ برس کے مقابلے میں ترسیلاتِ زر 43 فیصد زائد رہیں اور موجودہ برس ترسیلاتِ زر میں 26 فیصد کا اضافہ ہوا ہے۔ ہم آپ کا شکریہ ادا کرتے ہیں۔
The love & commitment of Overseas Pakistanis to Pakistan is unparalleled. You sent over $2bn for 10 straight mths despite Covid, breaking all records. Your remittances rose to $2.7bn in Mar, 43% higher than last yr. So far this fiscal yr, your remittances rose 26%. We thank you
— Imran Khan (@ImranKhanPTI) April 12, 2021
یاد رہے کہ اِس سے قبل وزیراعظم عمران خان نے کہا کہ ملک میں رواں مالی سال ترسیلات زر کی شرح میں اضافہ ملکی تاریخ میں ایک ریکارڈ ہے اور اس کیلئے میں سمندر پار مقیم پاکستانیوں کا شکرگزار ہوں۔
عمران خان نے 2 ماہ قبل ٹوئٹر پیغام میں کہا کہ گزشتہ سال کے مقابلے رواں مالی سال ترسیلات زر کی شرح 24 فیصد ہے، یہ ملکی تاریخ میں ریکارڈ اضافہ ہے، میں سمندرپار پاکستانیوں کا مشکور ہوں۔
مزید پڑھیں: وزیراعظم کاترسیلات زر میں اضافے پر سمندر پار پاکستانیوں سے اظہار تشکر
