اسلام آباد: پی ٹی آئی رہنما و سابق وزیرِ اطلاعات فواد چوہدری نے کہا ہے کہ پی ٹی آئی اراکین کے استعفے واپس لینے کا مقصد جعلی اپوزیشن لیڈر سے جان چھڑانا ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیرِ اطلاعات فواد چوہدری نے کہا کہ تحریکِ انصاف کے 45 اراکینِ اسمبلی نے اسپیکر قومی اسمبلی سے اپوزیشن لیڈر اور پارلیمانی پارٹی عہدے تحریکِ انصاف کو دینے کیلئے استعفے واپس لے لیے ہیں۔
تحریکِ انصاف تمام 33 نشستوں پر الیکشن لڑے گی۔فواد چوہدری
ٹوئٹر پیغام میں پی ٹی آئی رہنما فواد چوہدری نے کہا کہ تحریکِ انصاف کے 45 اراکینِ اسمبلی کے استعفے واپس لینے کا مقصد جعلی اپوزیشن لیڈر سے جان چھڑانا اور اعتماد کے ووٹ میں لوٹوں کو وزیر اعظم شہباز شریف کو ووٹ دینے سے روکنا ہے۔
تحریک انصاف کے 45 ممبران اسمبلی نے اسپیکر قومی اسمبلی سے لیڈر آف اپوزیشن اور پارلیمانی پارٹی کے عہدے تحریک انصاف کو دینے کیلئے استعفیٰ واپس لے کئے ہیں، اس کا مقصد جعلی اپوزیشن لیڈر سے جان چھڑانا اور اعتماد کے ووٹ میں لوٹوں کو شہباز شریف کو ووٹ دینے سے روکنا ہے
— Ch Fawad Hussain (@fawadchaudhry) January 23, 2023
قبل ازیں معروف صحافی نسیم صدیقی کے ایک ٹوئٹر پیغام کا جواب دیتے ہوئے فواد چوہدری نے کہا کہ الیکشن کمیشن وغیرہ کی کوئی حیثیت نہیں ہے۔ پاکستان میں فیصلے 6 جنرل اور 5 جج کرتے ہیں۔
فواد چوہدری نے کہا کہ سمت صحیح ہو یا غلط، ان 11لوگوں کے فیصلوں پر عمل ہوتا ہے۔ باقی تمام ادارے اور اشخاص پیادوں سے زیادہ حیثیت نہیں رکھتے۔
الیکشن کمیشن وغیرہ کی کوئ حیثئت نہیں پاکستان میں فیصلے چھ جرنل اور پانچ جج کرتے ہیں، سمت صحیح ہو یا غلط ان گیارہ لوگوں کے فیصلوں پر عمل باقی ہوتا ہے باقی تمام ادارے اور اشخاص شطرنج کے اس کھیل میں پیادوں سے زیادہ حیثئت نہیں رکھتے https://t.co/JuhO2axeg0
— Ch Fawad Hussain (@fawadchaudhry) January 23, 2023
خیال رہے کہ اس سے قبل اسپیکر قومی اسمبلی کی جانب سے استعفے منظور کیے جانے پر فواد چوہدری کا کہنا تھا کہ تحریکِ انصاف تمام 33 نشستوں پر الیکشن لڑے گی اور عمران خان تمام نشستوں پر پی ٹی آئی کے امیدوار ہوں گے۔