گوگل نیوز پر ہمیں فالو کریںاسلام آباد: وفاقی وزیرِ سائنس و ٹیکنالوجی فواد چوہدری نے کہا ہے کہ جمعیت علمائے اسلام (ف) کے سربراہ مولانا فضل الرحمان وزیرِ اعظم بننے کیلئے ڈیپ اسٹیٹ کے پاس گئے تھے۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ مولانا فضل الرحمان 1988ء سے 2010ء تک ہر حکومت کا حصہ رہے جبکہ ڈیپ اسٹیٹ پر انحصار بری بات ہے۔
پیغام میں وزیرِ سائنس و ٹیکنالوجی فواد چوہدری نے کہا کہ 2010ء میں مولانا فضل الرحمان سب سے بڑی ڈیپ اسٹیٹ کے پاس گئے اور فرمائش کی کہ مجھے وزیرِ اعظم بنائیں، ہم آپ کیلئے حاضر ہیں۔
وفاقی وزیر فواد چوہدری نے پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان پر تنقید کرتے ہوئے کہا کہ مولانا اگر پاکستان میں ہوں تو جنگ بیچتے ہیں لیکن انہوں نے امریکا کو شدت پسندی کا علاج بیچا۔ حکیم ہو تو ایسا۔
مولانا فضل الرحمنٰ 1988 سے 2010 تک ہر حکومت کا حصہ رہے Deep State پر انحصار بری بات ہے لیکن 2010 میں مولانا سب سےبڑی Deep State کے پاس گئے اور فرمائش کی کہ مجھے وزیراعظم بنائیں ہم آپ کیلئے حاضر ہیں، پاکستان میں ہوں تو جنگ بیچتے ہیں امریکہ کو شدت ہسندی کا علاج، حکیم ہو تو ایسا۔۔
— Ch Fawad Hussain (@fawadchaudhry) January 2, 2021
یاد رہے کہ اِس سے قبل سابق وزیر خزانہ اسحاق ڈار کا کہنا ہے کہ وہ فوج پر بطور ادارہ جمہوری عمل کو کمزور بنانے کا الزام عائد نہیں کرتے بلکہ یہ کچھ لوگوں کی خواہش اور منصوبہ ہے،یہی لوگ جو پاکستان میں مارشل لاء نافذ کرتے ہیں۔
ایک انٹرویو میں دسمبر 2020ء کے آغاز میں سابق وزیر خزانہ اسحاق ڈار نے کہا کہ نواز شریف کے آرمی چیف کے خلاف بیانات حقیقت ہے، ڈیپ اسٹیٹ کے بارے میں سب کو علم ہے کہ وہ ایسا کرتی ہے،یہ صرف ہم یہ نہیں کہہ رہے، بلکہ عالمی رپورٹس کہہ رہی ہیں، ہیلری کلنٹن بھی ڈیپ اسٹیٹ سے متعلق پاکستان کی مثال دے چکی ہیں۔
مزید پڑھیں: موجودہ حکومت ایک پوشیدہ آمریت، جوڈیشل مارشل لا ہے، اسحاق ڈار
