گوگل نیوز پر ہمیں فالو کریںاسلام آباد: وزیراعظم عمران خان نے کہا ہے کہ اگر غریب کا احساس نہیں کر سکتے توحکومت میں رہنے کاحق نہیں، غریب کی بہتری کے لئے ہی حکومت میں آئے ہیں۔
وزیراعظم عمران خان کی زیر صدارت اعلیٰ سطح اجلاس ہوا جس میں کھانے پینے کی اشیاء کی سستے نرخوںمیں فراہمی پر غور کیا گیا اور عوامی ریلیف کے حوالے سے آٹا ،گھی، چینی، چاول اور دالوں کی قیمتیں کم کرنے کا فیصلہ کیا گیا۔
وزیراعظم عمران خان نےکہا کہ احساس پروگرام کے تحت انتہائی غریب افراد کو راشن دیں، اگرغریب کا احساس نہیں کر سکتے توحکومت میں رہنے کاحق نہیں، ہم غریب کی بہتری کے لئے ہی حکومت میں آئے ہیں۔
عمران خان نے کہا کہ عام آدمی کے کچن میں بنیادی اشیاء ہر حال میں پہنچائیں، جن گھرانوں میں خریدنے کی سکت نہیں، انہیں حکومت راشن دے گی۔
یہ بھی پڑھیں: چینی کی بر آمد پر پابندی عائد ، وزیر اعظم نے درآمد کرنے کی منظوری دے دی
