گوگل نیوز پر ہمیں فالو کریںپاکستان تحریکِ انصاف کے سینئر مرکزی رہنما و وفاقی وزیر برائے بحری امور علی حیدر زیدی نے سندھ حکومت کے خلاف توہینِ عدالت کی درخواست جمع کرادی ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر برائے بحری امور علی زیدی نے کہا کہ وزیرِ اعظم عمران خان تمام معاملات کو صاف و شفاف اور عوام کے سامنے رکھنے کے قائل ہیں تاکہ غیر قانونی سرگرمیوں کو عوام کے سامنے بے نقاب کیا جاسکے۔
پیغام میں وفاقی وزیر سیّد علی حیدر زیدی نے کہا کہ وزیرِ اعظم عمران خان کی پیروی کرتے ہوئے میں نے سندھ حکومت کے خلاف ہائی کورٹ کے احکامات کی خلاف ورزی پر توہینِ عدالت کی درخواست جمع کرا دی ہے کیونکہ انہوں نے عزیر بلوچ کی جے آئی ٹی رپورٹ پبلک نہیں کی۔
Honorable PM @ImranKhanPTI advocates & practices full disclosure so that all those involved in illegal activities are exposed publicly. Following his footsteps, I’ve filed contempt proceedings against the Sindh Govt for not executing the orders of the Honorable Sindh High Court.
— Ali Haider Zaidi (@AliHZaidiPTI) May 29, 2020
وزیرِ مملکت برائے بحری امور علی حیدر زیدی نے کہا کہ آج تک سندھ حکومت نے عزیر بلوچ، نثار مورائی اور بلدیہ فیکٹری آتشزدگی کیس کی جے آئی ٹی رپورٹس جاری نہیں کیں جبکہ سندھ ہائی کورٹ 28 جنوری کو اس کا حکم دے چکی ہے جبکہ جے آئی ٹی میں اراکینِ سندھ اسمبلی کے نام موجود ہیں۔
وفاقی وزیر علی زیدی نے کہا کہ کچھ پولیس افسران جن کے نام جے آئی ٹی میں موجود ہیں وہ بھی پولیس میں بدستور خدمات سرانجام دے رہے ہیں جبکہ قانون کو ان کے خلاف کوئی نہ کوئی راستہ تو ضرور تلاش کرنا ہوگا۔
علی زیدی نے کہا کہ میں گزشتہ ڈھائی سال سے کیس لڑنے والے بیرسٹر عمر سومرو کا شکر گزار ہوں جو ہمت اور اولوالعزمی کے ساتھ قانون کے راستے پر چل رہے ہیں۔ ان شاء اللہ انصاف ملے گا اور کراچی میں غیر قانونی جرائم میں ملوث افراد کو کٹہرے میں لا کر رہیں گے۔
Must appreciate Barrister Omar Somroo for his courage & determination for following up and fighting this case for 2 1/2 yrs.
Inshallah, justice will prevail & all those involved in heinous crimes in KHI will ultimately have to face the law.— Ali Haider Zaidi (@AliHZaidiPTI) May 29, 2020
