گوگل نیوز پر ہمیں فالو کریںوفاقی وزیر خارجہ شاہ محمود قریشی نے حالیہ مشرقِ وسطیٰ کشیدگی کے تناظر میں بیان دیتے ہوئے کہا ہے کہ ہم علاقائی امن و استحکام اور سلامتی کے لیے کام جاری رکھیں گے۔
سماجی رابطے کی ویب سائٹ ٹوئٹر پر اپنے پیغام میں وزیر خارجہ شاہ محمود قریشی نے کہا کہ پاکستان کا نقطۂ نظر مشرقِ وسطیٰ کشیدگی کے تناظر میں بالکل واضح ہے، ہم امن و سلامتی چاہتے ہیں۔
ٹوئٹر پیغام میں وزیر خارجہ شاہ محمود قریشی نے کہا کہ ہم نے اپنی حالیہ گفتگو کے دوران تمام اسٹیک ہولڈرز پر اپنا نقطۂ نظر واضح کردیا ہے جبکہ تناؤ ختم کرنا ضروری ہے۔
وزیر خارجہ شاہ محمود قریشی نے کہا کہ خطے میں تناؤ اور کشیدگی کو کم کرنے کے لیے سفارتی محاذ پر فعال کردار ادا کرنا وقت کی اہم ضرورت ہے۔ تشدد سے گریز ضروری ہے۔ ہم اپنی جدوجہد جاری رکھیں گے۔
Pakistan is very clear on its position: we stand for peace, stability & security in region. I've reiterated this to all stakeholders in my recent conversations. Active diplomacy to de-escalate tensions is the need of the hour.Violence must be avoided. We'll continue with efforts.
— Shah Mahmood Qureshi (@SMQureshiPTI) January 6, 2020
یاد رہے کہ اس سے قبل ایرانی حکومت نے اعلان کیا کہ امریکی صدر ڈونلڈ ٹرمپ کو قتل کرنے والے شخص کو 8 کروڑ ڈالر نقد انعام دیا جائے گا، ٹرمپ کے سر کی قیمت جنرل قاسم سلیمانی کے قتل کے نتیجے میں مقرر کی گئی۔
امریکی صدر ڈونلڈ ٹرمپ واشگاف الفاظ میں ایران کے عسکری کمانڈر جنرل قاسم سلیمانی کے قتل کا اقرار کرچکے ہیں، انہوں نے کہا کہ پینٹا گون کو ایرانی جنرل کے قتل کے احکامات میں نے دیئے جس کے نتیجے میں ایرانی حکومت نے بڑا اعلان کردیا۔
مزید پڑھیں: امریکی صدر کو قتل کرنے والے کو 8 کروڑ ڈالر انعام دیں گے۔ ایران
