اسلام آباد: وزیرِ اعظم پاکستان عمران خان نے سندھ میں مستحقین کی امداد کیلئے احسن اقدام اٹھاتے ہوئے احساس ایمرجنسی کیش پروگرام میں سندھ کا حصہ 8 اعشاریہ 55 فیصد بڑھا دیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم کی معاونِ خصوصی برائے سماجی تحفظ اور احساس پروگرام کی سربراہ ڈاکٹر ثانیہ نشتر نے کہا کہ وزیرِ اعظم کے کورونا ریلیف فنڈ کے تحت موصول شدہ درخواستوں کے تناسب سے احساس ایمرجنسی کیش پروگرام میں سندھ کا حصہ بڑھا دیا گیا ہے۔
پیغام میں معاونِ خصوصی ڈاکٹر ثانیہ نشتر نے کہا کہ سندھ کا حصہ 22 اعشاریہ 45 فیصد سے بڑھا کر 31 فیصد کردیا گیا جبکہ یہ حکومتی اقدام سیاست سے بالاتر ہے جس کے تحت سندھ کیلئے اب 60 ارب روپے مختص کردئیے گئے ہیں جس سے بہتری آئے گی۔
معاونِ خصوصی ڈاکٹر ثانیہ نشتر نے کہا کہ سندھ کیلئے مختص کی گئی 60 ارب روپے کی رقم سے صوبے بھر میں 50 لاکھ سے زائد مستحق خاندان احساس امداد حاصل کرسکیں گے۔
وزیر ایظم کےکروناریلیف فنڈکےتحت موصول شدہ درخواستوں کے تناسب سےاحساس ایمرجنسی کیش پروگرام میں سندھ کاحصہ %22.45 سے بڑھا کر%31کردیاگیا ہے۔سیاست سےبالاتراس حکومتی اقدام سےسندھ کیلیئےاب 60ارب روپےمختص کیئےگئے ہیں جس سےصوبےبھرمیں 50لاکھ سےزائدمستحق خاندان احساس امداد حاصل کر سکیں گے۔
— Senator Dr Sania Nishtar (@SaniaNishtar) June 18, 2020
احساس پروگرام کی سربراہ ثانیہ نشتر نے کہا کہ گزشتہ روز وزیرِ اعظم نے صوبہ سندھ کے ضلع لاڑکانہ میں قائم احساس ایمرجنسی کیش ادائیگی مرکز کا دورہ کیا، انتظامات کا جائزہ لیا اور امدادی رقم کی وصولی کیلئے آئے ہوئے اہل محنت کش افراد سے ملاقات کی۔
ڈاکٹر ثانیہ نشتر نے کہا کہ صوبہ سندھ میں احساس ایمرجنسی کیش کی کارکردگی کو سراہنے پر میں اور میری ٹیم وزیرِ اعظم کے تہہِ دل سے مشکور ہیں۔
کل وزیر اعظم نے صوبۂ سندھ کےضلع لاڑکانہ میں قائم احساس ایمرجنسی کیش ادائیگی مرکزکا دورہ کیا،انتظامات کاجائزہ لیااورامدادی رقم کی وصولی کیلیئےآئےہوئےاہل محنت کش افرادسے ملاقات کی۔صوبہ سندھ میں احساس ایمرجنسی کیش کی کارکردگی کوسراہنے پرمیں اورمیری ٹیم وزیراعظم کےتہہ دل سے مشکورہیں۔ pic.twitter.com/B4XVWBJamS
— Senator Dr Sania Nishtar (@SaniaNishtar) June 18, 2020