گوگل نیوز پر ہمیں فالو کریںاسلام آباد: وزیرِ اعظم عمران خان نے رضا کار ٹائیگر فورس کے ممبران کو ملک بھر میں اشیائے ضررویہ کی قیمتوں پر نظر رکھنے کی ہدایت کی ہے۔
سماجی رابطے کی ویب سائٹ ٹوئٹر اپنے پیغام میں وزیرِ اعظم عمران خان نے کہا کہ آئندہ ہفتے کے روز میں کنونشن سینٹر میں اپنی ٹائیگر فورس سے ملاقات کروں گا۔
پیغام میں وزیرِ اعظم عمران خان نے کہا کہ آئندہ ہفتے کے روز سے قبل ہر روز ہمارے رضا کار اپنے قرب و جوار میں باقاعدگی سے دال، آٹا، چینی اور گھی کی قیمتیں معلوم کریں۔
وزیرِ اعظم عمران خان نے ٹائیگر فورس کو ہدایت دیتے ہوئے کہا کہ اشیائے ضروریہ کی قیمتوں کو ٹائیگر فورس کے پورٹل پر ڈالا جائے، ملاقات کے دوران قیمتوں پر تبادلۂ خیال کیا جائے گا۔
آئندہ ہفتے کے روز میں کنونشن سنٹر میں اپنی ٹائیگر فورس سے ملوں گا۔ تب تک ہمارے رضاکار اپنے قرب و جوار میں باقاعدگی سے دال، آٹا، چینی اور گھی کی قیمتیں معلوم کریں اور انہیں ٹائیگر فورس کے پورٹل پر ڈالیں۔ ہفتے کو منعقدہ نشست میں ہم ان پر تبادلہ خیال کریں گے۔https://t.co/dQIrvOM8uB
— Imran Khan (@ImranKhanPTI) October 11, 2020
یاد رہے کہ اِس سے قبل وزیراعظم عمران خان نے اعلان کیا ہے کہ پیر سے حکومت اشیائے خورونوش کی قیمتیں نیچے لانے کیلئے تمام ریاستی وسائل بروئے کار لائے گی۔
سوشل میڈیا پر گزشتہ روز جاری اپنے بیان میں وزیراعظم عمران خان نے کہا کہ ہم پہلے ہی ملک میں ہونے والی مہنگائی کے عوامل کا جائزہ لینے کی کوشش کر رہے ہیں کہ آیا ملک میں اشیائے خورونوش کی واقعی قلت ہے یا پھر یہ مافیاز کی جانب سے ذخیرہ اندوزی اور اسمگلنگ کی وجہ سے ہے۔
یہ بھی پڑھیں: وزیراعظم کا پیر سے مہنگائی کیخلاف پالیسی پر عملدرآمد کا اعلان
