سابق پارلیمانی سیکریٹری برائے قانون و انصاف ملیکہ بخاری نے کہا ہے کہ پی ڈی ایم 2.0 کا قیام ملک کے 24 کروڑ لوگوں سے کھلواڑ کے مترادف ہے۔
سماجی رابطے کی ویب سائٹ ایکس (ٹوئٹر) پر اپنے پیغام میں سابق وفاقی پارلیمانی سیکریٹری ملیکہ بخاری نے سابق صدر آصف زرداری، سابق وزیراعظم شہباز شریف اور سابق وزیرِ خارجہ بلاول بھٹو زرداری کی ایک تصویر شیئر کرتے ہوئے اس پر کڑی تنقید کی۔
پیغام میں ملیکہ بخاری نے کہا کہ آصف زرداری، شہباز شریف اور بلاول بھٹو کے چہروں میں پی ڈی ایم 2.0 کی منظر کشی ہے جو پاکستان کے 24کروڑ لوگوں کے ساتھ سب سے بڑا اور سنگین مذاق ہے جبکہ ان کی پہچان جھوٹ اور مینڈیٹ کی چوری ہے۔
معروف قانون دان ملیکہ بخاری نے نامزد صدر آصف علی زرداری اور نامزد وزیر اعظم شہباز شریف پر تنقید کرتے ہوئے کہا کہ یہ سب لوگ پاکستانیوں کو اپنی پسند کے منتخب نمائندوں کے حق سے محروم کرنے کیلئے اکٹھے کیے جارہے ہیں۔
These faces depict a PDM 2.0, which is essentially the biggest betrayal against the 240 million people of Pakistan.
Stealth, lies, mandate theft , corruption, brutality & nepotism – all put together to deny Pakistanis the right to have the elected representatives of their… pic.twitter.com/FjmkxwBGdN
— Maleeka Ali Bokhari (@MalBokhari) February 21, 2024
خیال رہے کہ ملیکہ بخاری کی شیئر کی گئی تصویر حال ہی میں سوشل میڈیا پر وائرل ہوئی ہے جس پر صارفین نے تبصرے کیے۔ ملیکہ بخاری نے کہا کہ پاکستانی قوم نے ان کو ووٹ نہیں دئیے اور نہ ہی کبھی قبول کریں گے۔ ان کی حکومت بنتے ہی ختم ہوجائے گی۔