گوگل نیوز پر ہمیں فالو کریںسرینگر: مقبوضہ کشمیر میں 5اگست سے بھارت کی طرف سے جاری فوجی محاصرے اور مواصلاتی پابندیوں کے باعث مقبوضہ وادی کشمیر اور جموں کے مسلم اکثریتی علاقوں اور لداخ میں مسلسل 99ویں روز بھی معمولات زندگی مفلو ج رہی ۔
کشمیرمیڈیاسروس کے مطابق مقبوضہ علاقے میں دفعہ 144 کے تحت سخت پابندیاں عائد ہیںجبکہ پری پیڈموبائل فون اور انٹرنیٹ سروسز5 اگست سے مسلسل معطل ہیں۔ تاہم لینڈ لائن فون اور پوسٹ پیڈ موبائل فون سروس جزوی طورپر بحال کئے گئے ہیں ۔
خاموش احتجاج کے طور پر وادی کشمیر کے لوگ اپنی دکانیں اور کاروباری مراکز صرف صبح اور شام کے وقت کچھ گھنٹوں کیلئے کھولتے ہیںجبکہ تعلیمی ادارے اور دفاترویرانی کا منظر پیش کر رہے ہیں اور سڑکوں پر پبلک ٹرانسپورٹ معطل ہے۔
یہ بھی پڑھیں: مقبوضہ جموں و کشمیر میں قابض بھارتی فوج کی فائرنگ سے 2 نوجوان شہید
