گوگل نیوز پر ہمیں فالو کریںاسلام آباد: وفاقی وزیر برائے سیفرون و انسدادِ منشیات شہریار خان آفریدی نے کہا ہے کہ ہمسایہ ملک بھارت مقبوضہ جموں و کشمیر میں مظلوم عوام پر ظلم و ستم ڈھاتے ہوئے وادی میں جنگی جرائم کی آگ بھڑکا رہا ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر شہریار آفریدی نے کہا کہ مقبوضہ جموں و کشمیر میں جعلی حملوں سے بھارت جنگی جرائم کے ارتکاب میں ملوث ہے جس میں ماورائے عدالت قتل اور کشمیریوں کی جائیدادوں کو تباہ کرنا بھی شامل ہے۔
وزیرِ انسدادِ منشیات شہر یار آفریدی نے کہا کہ مقبوضہ جموں و کشمیر میں مظلوم عوام کی جائیداد پر قبضہ کرنے کے ساتھ ساتھ ان کے قیمتی گھریلو سامان کو لوٹ لیا جاتا ہے اور جوان کشمیری خواتین کی بے حرمتی کشمیر میں معمول بنتا جارہا ہے۔
مقبوضہ جموں و کشمیر میں غاصب بھارت کے ظلم و ستم کو بے نقاب کرتے ہوئے وفاقی وزیر شہر یار خان آفریدی نے اقوامِ متحدہ کے انسانی و خواتین حقوق فورمز کو مخاطب کرتے ہوئے کہا کہ دنیا کو بھارت کے خلاف جلد ایکشن لینا ہوگا، اس سے قبل کہ دیر ہوجائے۔
India is committing #WarCrimes during fake encounters in Indian Occupied #Kashmir. Extra judicial killings, destroying private property, looting valuables & sexual assaults on young women hv become a norm. World must act b4 its too late @hrw @HumanRightsCtte @UNHRGeneva @UN_Women pic.twitter.com/t1yxg4JBxv
— Shehryar Afridi (@ShehryarAfridi1) May 20, 2020
