گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ آسان قرضوں کی فراہمی جوانوں کو بااختیار بنانے کا سنگِ میل ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ وزیر اعظم عمران خان نوجوانوں کی امید ہے جبکہ جوانوں کو آسان قرضوں کی فراہمی کاروبار کے لیے معاون ثابت ہوگی۔
وزیر اعظم کے ”کامیاب جوان پروگرام“ کی تعریف کرتے ہوئے معاونِ خصوصی فردوس عاشق اعوان نے کہا کہ سندھ کے نوجوانوں کی ترقی وفاقِ پاکستان کو مضبوط بنانے کے مترادف ہے۔
وزیر اعظم عمران خان نوجوانوں کی امید ہیں ۔ آسان قرضوں کی فراہمی اور مالی معاونت انہیں کاروبار کرنے اور با اختیار بنانے کی جانب اہم سنگ میل ثابت ہو گا ۔ سندھ کے نوجوانوں کی ترقی وفاق ِپاکستان کو مضبوط بنانے کے مترادف ہے ۔
— Dr. Firdous Ashiq Awan (@Dr_FirdousAwan) January 27, 2020
معاونِ خصوصی اطلاعات فردوس عاشق اعوان نے کہا کہ وفاقی حکومت وزیر اعظم عمران خان کی قیادت میں عوام کی خوشحالی و ترقی کے ایجنڈے کو پوری قوت سے آگے بڑھائے گی۔
وزیر اعظم عمران خان کی قیادت میں عوام کی خوشحالی وترقی کے ایجنڈے کو پوری قوت سے آگے بڑھائیں گے ۔
— Dr. Firdous Ashiq Awan (@Dr_FirdousAwan) January 27, 2020
ڈاکٹر فردوس عاشق اعوان نے کہا کہ سیاسی طوفان برپا کرنے کی خواہش رکھنے والوں کے ارمانوں پر اوس پڑ چکی ہے۔ جمہوری اختلاف کو سازش کا رنگ دینے والے مخالفین کو معلوم ہونا چاہئے کہ حکومت اتحادیوں کے ساتھ ہے۔
فردوس عاشق اعوان نے کہا کہ سیاسی مخالفین کو پتہ ہونا چاہئے کہ ہم اتحادیوں کی حمایت کے ساتھ نہ صرف مستحکم ہیں بلکہ جمہوری اختلاف کو جمہوری انداز میں سلجھا لیا گیا ہے۔
سیاسی طوفان برپا کرنے کی خواہش رکھنے والوں کے ارمانوں پر اوس پڑ چکی ہے ۔ جمہوری اختلاف کو سازش کا رنگ دینے والے سیاسی مخالفین کو اطلاع ہو کہ حکومت اپنے اتحادیوں کی حمایت کے ساتھ نہ صرف مستحکم ہے بلکہ جمہوری اختلاف کو جمہوری انداز میں سلجھا لیا گیا ہے ۔
— Dr. Firdous Ashiq Awan (@Dr_FirdousAwan) January 27, 2020
یاد رہے کہ اس سے قبل فردوس عاشق اعوان نے کہا کہ ٹرانسپیرنسی انٹرنیشنل کی رپورٹ پر خود کو گڈ گورننس کا مسیحا سمجھنے والے اب وضاحت آنے پر جواب دیں۔
انہوں نے گزشتہ روز بیان دیتے ہوئے کہا کہ آٹے کی قیمتوں اور اتحادیوں کی ناراضی سے متعلق سنسنی خیزی پھیلانے والوں کو پہلے بھی ناکامی ہوئی آئندہ بھی ہو گی۔لندن میں بیٹھ کرحکومت گرانے کی سازش ہورہی ہے۔
مزید پڑھیں: سازش کرنے والوں کو منہ کی کھانا پڑی ۔فردوس عاشق اعوان
