گوگل نیوز پر ہمیں فالو کریںاسلام آباد: وفاقی وزیر برائے بحری امور علی حیدر زیدی نے کہا ہے کہ مسلم لیگ (ن) کے ساتھ جو تاریخ وابستہ ہے، وہی عنقریب پاکستان پیپلز پارٹی (پی پی پی) کے ساتھ بھی دُہرائیں گے، آپ اگر روک سکتے ہیں تو روک لیجئے۔
سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی زیدی نے کہا کہ کیا آپ لوگوں کو یاد ہے کہ مسلم لیگ (ن) اپنے اثاثوں کے بارے میں کیا کہا کرتی تھی؟ میں بتاتا ہوں۔ وہ کہتے تھے کہ ہمارے کوئی اپارٹمنٹس نہیں ہیں۔ ہم کسی جائیداد کے مالک نہیں۔
وفاقی وزیر علی زیدی نے کہا کہ اس کے بعد کہا گیا کہ اسپیکر صاحب، یہ ہیں وہ ذرائع، اور بعد ازاں ذرائع کی جگہ قطری خط آگیا۔ پھر مسلم لیگ (ن) اِس سے بھی ایک قدم آگے چلی گئی۔ ن لیگی قیادت نے اپنی صفائی میں پیش کیا گیا قطری خط واپس لے لیا۔
وزیرِ بحری امور علی زیدی نے کہا کہ جو کچھ ہم نے آپ کو پہلے بتا دیا ہے، اُس کا ایکشن ری پلے ہونے والا ہے۔ پاکستان پیپلز پارٹی ہاٹ سیٹ پر بیٹھ چکی ہے اور اب تاریخ دُہرائی جائے گی۔ روک سکو تو روک لو۔
Do you guys remember this:
“We don’t own any apartments”
Followed by:
“Speak sahib, Yea hain wo zarai”
Followed by:
“Qatari letter”…
Followed by:
Withdrawal of “Qatari letter”
Well…action replay about to happen. This time with PPP in the hot seat! 😏
Rok sako to rok lo! 😊— Ali Haider Zaidi (@AliHZaidiPTI) July 4, 2020
یاد رہے کہ اس سے قبل وفاقی وزیر برائے بحری امور علی حیدر زیدی نے کہا کہ پاکستان پیپلز پارٹی نے ملک کے قومی اداروں کو نقصان پہنچایا جس کا ملبہ وہ پی ٹی آئی پر ڈالنا چاہتی ہے۔
ٹوئٹر پر2 روز قبل اپنے پیغام میں وفاقی وزیر علی زیدی نے کہا کہ پیپلز پارٹی روزویلٹ ہوٹل کے معاملے پر جو بیانیہ بیچنے کی کوششوں میں مصروف ہے، وہ کاٹھ کباڑ سے زیادہ کچھ نہیں۔
مزید پڑھیں: پیپلز پارٹی ملبہ پی ٹی آئی پر ڈالنا چاہتی ہے۔علی زیدی
