کراچی: تحریکِ انصاف کے رکنِ قومی اسمبلی عالمگیر خان اور رکنِ سندھ اسمبلی ارسلان تاج گھمن نے اپنے حلقے میں واقع لیاقت لائبریری کا دورہ کیا۔
لیاقت لائبریری دورے کے موقعے پر یوسی چیئرمین ڈاکٹر نیاز بھی پی ٹی آئی اراکینِ اسمبلی کے ہمراہ تھے۔ اراکینِ اسمبلی نے لائبریری میں انتظامات کا جائزہ لیا۔
لائبریر انتظامیہ کو حلقے سے منتخب تحریکِ انصاف اراکینِ اسمبلی نے لائبریری میں آنے والے طلباء اور عوام الناس کی بہتر خدمات کے لیے سہولیات فراہم کرنے پر سراہا۔
رکنِ سندھ اسمبلی ارسلان تاج گھمن نے لائبریری عمارت کی حالت دیکھتے ہوئے حکومت کو عمارت کی تزئین و آرائش کے لیے باضابطہ درخواست بھیجنے کا فیصلہ کیا۔
سماجی رابطے کی ویب سائٹ ٹوئٹر پر اپنے پیغام میں رکنِ سندھ اسمبلی ارسلان تاج گھمن نے رکنِ قومی اسمبلی جہانگیر خان کے ہمراہ لائبریری دورے کی تصاویر شیئر کیں۔
اپنے حلقے میں واقع لیاقت لائبریری کا رکن قومی اسمبلی عالمگیر خان اور یوسی چیرمین ڈاکٹر نیاز کے ہمراہ دورہ کیا۔ انتظامیہ کو لائبریری میں آنے والے طلبا و عام عوام کوبہتر سہولیات فراہم کرنے پر سراہا۔
لائبریری کی عمارت کی تزئین و آرائش کےلیے حکومت کو جلد باضابطہ درخواست بھیجونگا۔ pic.twitter.com/N3vS2gezyD— Arsalan Taj (@ArsalanGhumman) January 29, 2020