گوگل نیوز پر ہمیں فالو کریںپشاور: خیبر پختونخوا اور بلوچستان کی حکومتیں آج جمعہ کو اپنے اپنے سالانہ بجٹ صوبائی اسمبلیوں میں پیش کریں گی۔
خیبر پختونخوا کے وزیر خزانہ تیمور سلیم جھگڑا آئندہ مالی سال 2021-22کے لئے صوبائی بجٹ سہ پہر 3بج کر 30 منٹ پر صوبائی اسمبلی میں پیش کریں گے،صوبائی بجٹ کا تخمینہ ایک ہزار ارب روپے سے زیادہ ہوگا۔
امید ہے کہ حکومت گریڈ 1 سے 19 تک ملازمین کی تنخواہوں میں 25٪ اضافے کی تجویز کرے گی جبکہ گریڈ 19 کے افسران کی تنخواہوں میں 10 فیصد اضافہ کیا جائے گا۔
صوبے کے لئے سالانہ ترقیاتی منصوبہ اگلے مالی سال کے لئے 205 ارب روپے تجویز کیا گیا ہے۔ حکومت نے صوبائی بجٹ میں ترقیاتی شعبے کے لئے 350 ارب روپے کی تجویز پیش کی ہے۔
حکومت نے ریسکیو 1122 نئی ایمبولینسوں کے لئے فنڈز مختص کردیئے ہیں اور نئے اساتذہ کی بھرتی کا اعلان بھی کیا جائے گا۔ کم سے کم اجرت بھی 21،000 روپے متوقع ہے۔
اس کے علاوہ بلوچستان حکومت مالی سال 2021-22 کیلئے 500 ارب روپے سے زیادہ کا بجٹ بھی پیش کرے گی۔وزیر خزانہ بلوچستان ظہور احمد بلیدی سہ پہر 04 بجے کوئٹہ میں صوبائی اسمبلی کے بجٹ کی تجاویز پیش کریں گے۔
مزید پڑھیں: سندھ کا بجٹ اور حکومتی دعوے
