وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ عالمی برادری مقبوضہ کشمیر کے حوالے سے اپنے فرض کو پورا نہیں کر پائی۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی برائے اطلاعات فردوس عاشق اعوان نے کہا کہ 71 سال سے کشمیریوں کا ناحق لہو بہایاجارہا ہے، ان کی عزتیں پامال کی جارہی ہیں۔
ٹوئٹر پیغام میں معاونِ خصوصی اطلاعات فردوس عاشق اعوان نے کہا کہ کشمیریوں کو اپنا جمہوری، قانونی اور جائز حق مانگنے پر جبرواستبداد کا نشانہ بنایاجارہا ہے۔
پیغام میں معاونِ خصوصی اطلاعات فردوس عاشق اعوان نے کہا کہ ظلم کا یہ باب صرف اس لئے طول پارہا ہے کیونکہ عالمی برادری، اقوام متحدہ اور سلامتی کونسل اپنے فرض کو پورا نہیں کررہے۔
اکتہرسال سے کشمیریوں کا ناحق لہو بہایاجارہا ہے، ان کی عزتیں پامال کی جارہی ہیں، انہیں اپنا جمہوری، قانونی اور جائز حق مانگنے پر جبرواستبداد کا نشانہ بنایاجارہا ہے۔ ظلم کا یہ باب صرف اس لئے طول پارہا ہے کیونکہ عالمی برادری، اقوام متحدہ اور سلامتی کونسل اپنے فرض کو پورا نہیں کررہے
— Dr. Firdous Ashiq Awan (@Dr_FirdousAwan) January 5, 2020
کشمیریوں کے یومِ حقِ خود ارادیت کے حوالے سے پیغام میں فردوس عاشق اعوان نے کہا کہ آج کادن تقاضاکرتا ہے کہ عا لمی برادری اور اقوام متحدہ بہادراورثابت قدم کشمیریوں سے کیا ہوااپنا وعدہ پوراکریں۔
معاونِ خصوصی فردوس عاشق اعوان نے کہا کہ سلامتی کونسل کی قراردادوں کے مطابق کشمیریوں کو ان کا پیدائشی حق خودارادیت دیا جائے تاکہ وہ جبرواستبداد سے پاک ماحول میں اپنی زندگیاں گزار سکیں۔
آج کادن تقاضاکرتا ہے کہ اقوام متحدہ ,سلامتی کونسل اورعالمی برادری بہادراورثابت قدم کشمیریوں سے کیا ہوااپنا وعدہ پوراکریں،اقوام متحدہ کی سلامتی کونسل کی قراردادوں کے مطابق کشمیریوں کو ان کا پیدائشی حق خودارادیت دیا جائے تاکہ وہ جبرواستبداد سے پاک ماحول میں اپنی زندگیاں گزار سکیں۔
— Dr. Firdous Ashiq Awan (@Dr_FirdousAwan) January 5, 2020
ڈاکٹر فردوس عاشق اعوان نے کہا کہ آج کے دن ہم بہادر کشمیریوں کو بھی پیغام دیتے ہیں کہ ان کی حق خودارادیت کی جدوجہد میں ہم ان کے ساتھ ہیں۔
فردوس عاشق اعوان نے کہا کہ وزیراعظم عمران خان کی قیادت میں پورا پاکستان ان کے شانہ بشانہ ہے، ہم کشمیریوں کی سیاسی، اخلاقی اور سفارتی حمایت جاری رکھیں گے۔
آج کے دن ہم بہادر کشمیریوں کو بھی پیغام دیتے ہیں کہ ان کی حق خودارادیت کی جدوجہد میں ہم ان کے ساتھ ہیں،وزیراعظم عمران خان کی قیادت میں پورا پاکستان ان کے شانہ بشانہ ہے، ہم کشمیریوں کی سیاسی، اخلاقی اور سفارتی حمایت جاری رکھیں گے۔
— Dr. Firdous Ashiq Awan (@Dr_FirdousAwan) January 5, 2020
انہوں نے کہا کہ جس ثابت قدمی، ہمت اور قربانی کے جذبے کے ساتھ کشمیری اپنے حق کے لئے ڈٹے ہوئے ہیں، وہ اس بات کی گواہی ہے کہ وہ کامیاب ہوکر رہیں گے اور دشمن ناکام ونامراد ہوگا۔
جس ثابت قدمی، ہمت اور قربانی کے جذبے کے ساتھ کشمیری اپنے حق کے لئے ڈٹے ہوئے ہیں، وہ اس بات کی گواہی ہے کہ وہ انشاءاللہ کامیاب ہوکر رہیں گے اور دشمن ناکام ونامراد ہوگا۔
— Dr. Firdous Ashiq Awan (@Dr_FirdousAwan) January 5, 2020
یاد رہے کہ اس سے قبل معاون خصوصی برائے اطلاعات و نشریات فردوس عاشق اعوان نے کہا کہ پاکستان میں رنگ و نسل اور مذہب کی بنیاد پر کوئی تفریق نہیں۔
ٹوئٹر پر گزشتہ روز اپنے پیغام میں وزیراعظم عمران خان کی معاون خصوصی فردوس عاشق اعوان نے کہا ہے کہ پاکستان سب پاکستانیوں کا یکساں وطن ہے،پاکستان قائداعظم کے وژن کی عملی تصویر بن رہا ہے۔
مزید پڑھیں: سیکولر بھارت آج آگ میں جل رہا ہے، فردوس عاشق اعوان