معروف صحافی عمران ریاض گرفتار، عمران خان کی مذمت

اسلام آباد: پاکستان تحریکِ انصاف کے چیئرمین اور سابق وزیر اعظم عمران خان نے معروف صحافی عمران ریاض کی گرفتاری کی مذمت کرتے ہوئے وفاقی حکومت پر کڑی تنقید کی ہے۔

سماجی رابطے کی ویب سائٹ ٹوئٹر پر اپنے پیغام میں رات گئے اپنے پیغام میں سابق وزیر اعظم عمران خان نے کہا کہ میں پنجاب پولیس کی جانب سے 5 اور 6 جولائی کی درمیانی شب معروف صحافی عمران ریاض کی من مانی گرفتاری کی سختی سے مذمت کرتا ہوں۔

یہ بھی پڑھیں:

سادہ لباس اہلکاروں نے  حلیم عادل شیخ کو گرفتار کر لیا،ترجمان 

ٹوئٹر پیغام میں چیئرمین پاکستان تحریکِ انصاف عمران خان نے صحافی عمران ریاض کی گرفتاری پر ردِ عمل دیتے ہوئے کہا کہ ملک کو فسطائیت کے دائرے میں لایا جارہا ہے تاکہ ہماری قوم بڑے بدمعاشوں پر مشتمل امپورٹڈ حکومت کو قبول کر لے۔

I strongly condemn the arbitrary arrest of @ImranRiazKhan by Punjab police tonight. The country is descending into fascism just to make our nation accept an Imported Govt comprising of mega crooks. It is time for everyone, esp the media, to unite & stand up against this fascism.

— Imran Khan (@ImranKhanPTI) July 5, 2022

سابق وزیر اعظم عمران خان نے موجودہ شہباز شریف حکومت کو امپورٹڈ قراردیا اور صحافی برادری کو میدانِ عمل میں اترنے کا درس دیتے ہوئے کہا کہ یہی وہ وقت ہے کہ سب لوگ، خاص طور پر میڈیا متحد ہو کر فسطائیت کے خلاف اٹھ کھڑا ہو۔

پاکستان زندہ آباد کہتے ہوئے، شیر نے گرفتاری دی ہے۔pic.twitter.com/ynJSf7liSf

— Arslan Baloch (@balochi5252) July 5, 2022

خیال رہے کہ معروف ٹی وی میزبان اور صحافی عمران ریاض خان کا شمار پاکستان تحریکِ انصاف کی کھل کر حمایت کرنے والے صحافیوں میں کیا جاتا ہے جو اپنے یو ٹیوب چینل پر بھی پی ٹی آئی کی حمایت میں آئے روز ویڈیوز اپ لوڈ کرتے ہیں۔