اسلام آباد: وزیرِ خارجہ شاہ محمود قریشی نے کہا ہے کہ مسئلۂ کشمیر بھارت کا اندرونی معاملہ نہیں بلکہ اقوامِ متحدہ کے ادارے سلامتی کونسل میں حل طلب بین الاقوامی تنازعہ ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ خارجہ شاہ محمود قریشی نے کہا کہ میرا مؤقف بالکل واضح ہے کہ مقبوضہ جموں و کشمیر عالمی سطح پر ایک تسلیم شدہ تنازعہ ہے۔
پیغام میں وزیرِ خارجہ شاہ محمود قریشی نے کہا کہ مسئلۂ کشمیر اقوامِ متحدہ کے ادارے سلامتی کونسل کے ایجنڈے پر موجود اور حل طلب تنازعہ ہے جس کا حتمی فیصلہ اقوامِ متحدہ کی قراردادوں کے مطابق ہونا ہے۔
وزیرِ خارجہ شاہ محمود قریشی نے کہا کہ سلامتی کونسل کی قراردادوں میں کہا گیا ہے کہ اقوامِ متحدہ کے زیرِ سایہ مقبوضہ جموں و کشمیر کے عوام کو حقِ رائے دہی دیا جائے گا۔ مقبوضہ کشمیر سے متعلق کوئی بات بھارت کا اندرونی معاملہ قرار نہیں دی جاسکتی۔
Let me be clear: Jammu & Kashmir is an internationally recognised dispute on the @UN Security Council agenda. Final settlement of the dispute lies in #UNSC resolution calling for free and impartial plebiscite under UN auspices. Nothing about J&K can be India’s internal matter.
— Shah Mahmood Qureshi (@SMQureshiPTI) May 10, 2021
یاد رہے کہ اِس سے قبل وزیرِ خارجہ شاہ محمود قریشی نے کہا کہ اگر مودی حکومت مقبوضہ کشمیر پر اٹھائے گئے 5 اگست کے اقدامات واپس لے لے تو پاکستان مذاکرات کیلئے تیار ہے۔
گزشتہ ماہ وزیرِ خارجہ شاہ محمود قریشی نے ترک میڈیا کو دئیے گئے ایک انٹرویو کے دوران کہا کہ پاکستان بھارت کے ساتھ اپنے دیرینہ مسائل کے حل کیلئے تیار ہے اگر بھارت 5 اگست کے یکطرفہ و غیر قانونی اقدامات واپس لے لے۔
مزید پڑھیں: بھارت 5اگست کے اقدامات واپس لے، پاکستان مذاکرات کیلئے تیار ہے۔وزیرِ خارجہ