گوگل نیوز پر ہمیں فالو کریںوزیراعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ عمران خان کا بحرین میں اعلیٰ ترین سول ایوارڈ قومی وقار کا آئینہ دار ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات نے کہا کہ بحرین کے قومی دن کے موقعے پر وزیر اعظم عمران خان گیسٹ آف آنر کے طور پر شرکت کریں گے۔ انہیں اعلیٰ ترین سول ایوارڈ دیا جائے گا۔
معاونِ خصوصی ڈاکٹر فردوس عاشق اعوان نے کہا کہ وزیر اعظم عمران خان کا ایوارڈ دنیا اور خطے میں پاکستان کے بڑھتے ہوئے وقار اور تشخص کا ثبوت ہے جبکہ دورۂ بحرین دونوں ممالک کے درمیان کثیر الجہتی تعلقات کی مضبوطی کا باعث ہے۔
ڈاکٹر فردوس عاشق اعوان نے کہا کہ وزیر اعظم عمران خان کا دورہ پاک بحرین تعاون کے فروغ کی نئی راہیں کھولنے کا سبب ہوگا۔ بحرین کے ساتھ مشترکہ ثقافت، مذہب اور باہمی اعتماد پر رشتے قائم ہیں۔
عمران خان کی بحرین کے قومی دن کے موقع پر گیسٹ آف آنر کے طور پر شرکت اور اعلی ترین سول ایوارڈ کا اعزاز دنیا اور خطے میں پاکستان کے بڑھتے ہوئے وقار اور تشخص کا آئینہ دار ہے۔یہ دورہ دونوں ممالک کے مابین کثیرالجہتی تعلقات کی مضبوطی اورباہمی تعاون کے فروغ کی نئی راہیں کھولے گا۔
2/2— Dr. Firdous Ashiq Awan (@Dr_FirdousAwan) December 16, 2019
فردوس عاشق اعوان نے کہا کہ دونوں ممالک وسیع البنیاد تعلقات کو مزید مضبوط بنانے کے لیے پرعزم ہیں۔بحرین میں مقیم ایک لاکھ سے زائد پاکستانی بحرین کی اقتصادی ترقی میں اپنا بھرپور کردار ادا کر رہے ہیں۔
بحرین کے ساتھ مشترکہ ثقافت، مذہب اور باہمی اعتماد پر رشتے قائم ہیں۔ دونوں ممالک ملک کےعوام کے باہمی مفاد میں وسیع البنیاد اور تعلقات کو مزید مضبوط بنانے کے لیے پرعزم ہیں۔بحرین میں مقیم ایک لاکھ سے زائد پاکستانی بحرین کی اقتصادی ترقی میں اپنا بھرپور کردار ادا کر رہے ہیں۔
2/1— Dr. Firdous Ashiq Awan (@Dr_FirdousAwan) December 16, 2019
انہوں نے عمران خان کے سرکاری دورے پر تبصرہ کرتے ہوئے کہا کہ وزیراعظم کا دورہ دونوں ممالک کے درمیان تجارت اور سرمایہ کاری کے فروغ میں اضافے کا باعث بنے گا۔
سانحہ اے پی ایس کے 5 سال مکمل ہونے پر پیغام
آرمی پبلک اسکول واقعے کے 5 سال مکمل ہونے پر اپنے پیغام میں فردوس عاشق اعوان نے کہا کہ سانحہ اے پی ایس اس بات کا ثبوت ہے کہ دشمن کی تمام تر سازشوں کے باوجود پاکستانی قوم نہ کبھی ہاری ہے نہ کبھی ہارے گی۔
معاونِ خصوصی نے پاکستان زندہ باد کا نعرہ تحریر کرتے ہوئے پیغام دیا کہ امن ہمارا مستقبل ہے اور ان شاء اللہ ہم متحد ہو کر اپنی منزل کو پا لیں گے۔
سانحہ اے پی ایس اس بات کا ثبوت ہے کہ دشمن کی تمام تر سازشوں کے باوجود پاکستانی قوم نہ کبھی ہاری ہے نہ کبھی ہارے گی ۔ امن ہمارا مستقبل ہے اور انشاء اللہ ہم متحد ہو کر اپنی منزل کو پا لیں گے ۔پاکستان زندہ باد
— Dr. Firdous Ashiq Awan (@Dr_FirdousAwan) December 16, 2019
یاد رہے کہ اس سے قبل وزیراعظم کی معاون خصوصی برائے اطلاعات فردوس عاشق اعوان نے کہا کہ اگر لاڑکانہ میں بھٹو زندہ ہے تو غریب مر چکے ہیں۔ پیپلز پارٹی نے بھٹو کے نظریے کو ختم کر دیا ہے۔
مزید پڑھیں: پیپلز پارٹی اور بھٹو کا نظریہ دفن ہوچکا، فردوس عاشق اعوان
