گوگل نیوز پر ہمیں فالو کریںلاہور: وزیرِ اعلیٰ پنجاب کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ پنجاب میں مفت وائی فائی منصوبے کی بندش کا پروپیگنڈہ بے بنیاد ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ پنجاب کے ہسپتالوں، تعلیمی اداروں، پارکس، سرکاری دفاتر اور بازاروں میں فری وائی فائی کی سہولت بدستور جاری ہے۔
پیغام میں معاونِ خصوصی فردوس عاشق اعوان نے فری وائی فائی کی بندش کی خبروں کو بے بنیاد قرار دیتے ہوئے کہا کہ بزدار حکومت ڈیجیٹل پنجاب ویژن کے تحت فری وائی فائی منصوبے کو پنجاب بھر تک پھیلانے کیلئے پر عزم ہے۔
پنجاب کے ہسپتالوں، تعلیمی اداروں، پارکس، سرکاری دفاتر اور بازاروں میں فری وائی فائی کی سہولت بدستور جاری ہے۔ پنجاب وائی فائی منصوبے کی بندش سے متعلق پروپیگنڈہ جھوٹا اور بے بنیاد ہے! بزدار حکومت "ڈیجیٹل پنجاب"ویژن کے تحت فری وائی فائی منصوبے کو پنجاب بھر تک پھیلانے کیلئے پرعزم ہے۔
— Dr. Firdous Ashiq Awan (@Dr_FirdousAwan) January 5, 2021
یاد رہے کہ ِاس سے قبل فری وائی فائی منصوبے کے حوالے سے مسلم لیگ (ق) کے رہنما اور رکن قومی اسمبلی مونس الٰہی نے پنجاب حکومت پر تنقید کرتے ہوئے اپنے ہی اتحادیوں کے اقدام کو غیر دانشمندانہ قرار دے دیا۔
مونس الٰہی نے گزشتہ روز کہا کہ پنجاب حکومت نے عوام کیلئے فری وائی فائی کیوں بند کر دیا؟ ،رہنما مسلم لیگ ق چوہدری مونس الٰہی حکومت پنجاب کی فری وائی فائی سروس کی بحالی کے لئے متحرک ہو گئے۔
مزید پڑھیں: پنجاب میں مفت وائی فائی بند کرنے پرمونس الٰہی حکومت پر برس پڑے
