لاہور: وزیرِ اعلیٰ پنجاب کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ پی ٹی آئی حکومت نے بدعنوان عناصر سے 206 ارب روپے واپس لے کر قومی خزانے میں جمع کرادئیے ہیں۔
سماجی رابطے کی ویب سائٹ ٹوئٹر پر معاونِ خصوصی فردوس عاشق اعوان نے اپنے پیغام میں کہا کہ تحریکِ انصاف نے آل پاکستان لوٹ مار ایسوسی ایشن سے مقابلہ کیا، ٹیکسٹائل انڈسٹری 13 سال بعد مکمل طور پر بحال ہوگئی۔
*تحریک انصاف بمقابلہ آل پاکستان لوٹ مار ایسوسی ایشن*
*ٹیکسٹائل انڈسٹری کی13سال بعد مکمل بحالی
*برآمدات میں 8سال بعد اضافہ
*کرنٹ اکاؤنٹ 20سال بعد سرپلس
*بھارتی سازشیں دنیا کے سامنے بےنقاب— Dr. Firdous Ashiq Awan (@Dr_FirdousAwan) January 17, 2021
پیغام میں معاونِ خصوصی فردوس عاشق اعوان نے کہا کہ برآمدات میں 8 سال بعد اضافہ ہوا اور کرنٹ اکاؤنٹ خسارہ 20 سال بعد سرپلس ہوا۔ پی ٹی آئی حکومت نے بھارتی سازشیں دنیا کے سامنے بے نقاب کردی ہیں۔
معاونِ خصوصی فردوس عاشق اعوان نے کہا کہ گزشتہ 10 برسوں میں اینٹی کرپشن نے صرف 43 کروڑ کی ریکوری کی جبکہ پی ٹی آئی حکومت نے 27 ماہ میں کرپٹ افراد سے 206ارب روپے ریکور کرکے قومی خزانے میں جمع کرائے ہیں۔
معاونِ خصوصی فردوس عاشق اعوان نے کہا کہ یہ ہے تبدیلی اور یہ ہے کپتان کا نیا پاکستان جس میں وزیرِ اعظم عمران خان کے کرپشن کے خلاف جہاد کی وجہ سے قوم ان کرپٹ لٹیروں کی زوردار چیخیں سن رہی ہے۔
ڈاکٹر فردوس عاشق اعوان نے کہا کہ سولر پلانٹ معاہدے پر 8 سال بعد نظرِ ثانی کی گئی اور 20 امریکی سینٹ کی بجائے صرف 2 اعشاریہ 37 امریکی سینٹ فی یونٹ بجلی پر معاہدے کیے۔ پنجاب میں 74 سال بعد 181 ارب روپے کی زمین قبضہ مافیا سے واگزار کرائی گئی۔
*گزشتہ10سالوں میں اینٹی کرپشن نے صرف 43کروڑ کی ریکوری کی جبکہ پی ٹی آئی حکومت نے27ماہ میں کرپٹ افراد سے 206 ارب روپے ریکور کرکے حکومتی خزانے میں جمع کروائے
— Dr. Firdous Ashiq Awan (@Dr_FirdousAwan) January 17, 2021
فردوس عاشق اعوان نے کہا کہ پنجاب کی تاریخ میں پہلی مرتبہ وزیرِ اعلیٰ عثمان بزدار نے 9 سال پرانے معاہدوں پر قومی مفاد میں نظرِ ثانی کرنے کی روایت قائم کی اور کم ریٹس پر دوبار معاہدے کرکے قوم کے اربوں روپے بچا لیے۔
*پنجاب کی تاریخ میں پہلی مرتبہ وزیراعلی عثمان بزدار نے 9سال پرانےمعاہدوں پر قومی مفاد میں نظرثانی کرنے کی روایت قائم کی اور کم ریٹس پردوبارہ معاہدےکرکےقوم کے اربوں روپےبچائے
*میٹروبس معاہدے پر8سال بعد نظرثانی کی گئی۔نیا معاہدہ 368روپے فی کلومیٹر کی بجائے213روپےفی کلومیٹرپرکیاگیا— Dr. Firdous Ashiq Awan (@Dr_FirdousAwan) January 17, 2021
انہوں نے کہا کہ میٹرو بس معاہدے پر 8 سال بعد نظرِ ثانی کی گئی۔ نیا معاہدہ 368 روپے فی کلو میٹر کی بجائے 213 روپے فی کلومیٹر پر کیا گیا۔
یہ بھی پڑھیں: غیر فطری سیاسی اتحاد وقت کے ساتھ ختم ہورہا ہے۔وزیرِ اعلیٰ پنجاب