گوگل نیوز پر ہمیں فالو کریںاسلام آباد: وفاقی وزیرِ سائنس و ٹیکنالوجی فواد چوہدری نے کورونا وائرس کی روک تھام کیلئے ایس او پیز کے تحت اپوزیشن کو مشورہ دیا ہے کہ حکومت مخالف تحریک اگلے سال تک ملتوی کردیں۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ کورونا وائرس کی دوسری لہر کے پیشِ نظر این سی او سی نے نئی ایس او پیز جاری کردی ہیں۔
پیغام میں وزیرِ سائنس و ٹیکنالوجی فواد چوہدری نے کہا کہ این سی او سی نے شادی بیاہ کی تقریبات اور دیگر اجتماعات کو محدود کرنے کی ہدایات دی ہیں، میں سمجھتا ہوں کہ سیاسی جماعتوں کو بھی ذمہ داری کا ثبوت دینا چاہئے۔
وفاقی وزیر فواد چوہدری نے کہا کہ سیاسی جماعتیں ذمہ داری کا مظاہرہ کرتے ہوئے 3 ماہ کیلئے جلسے جلوس ملتوی کریں جبکہ اپوزیشن بھی حکومت مخالف تحریک اگلے سال تک ملتوی کرے۔ زندگی کا احترام کریں۔
کرونا کی دوسری لہر کے پیش نظر NCOC نے نئےSOP جاری کئے ہیں اور شادیوں اور دیگر تقریبات کو محدود کرنےکا کہا ہے، میں سمجھتا ہوں سیاسی جماعتوں کو ذمہ داری کا ثبوت دینا چاہئے اور تین ماہ کیلئے جلسے جلوس ملتوی کر دیں، اپوزیشن بھی تحریک اگلے سال تک ملتوی کر دے، زندگی کااحترام کریں
— Ch Fawad Hussain (@fawadchaudhry) October 10, 2020
یہ بھی پڑھیں: انصار عباسی اشتہارات کیلئے محنت چھوڑ دیں۔فواد چوہدری
