کنٹرول لائن پر بھارتی فوج کی فائرنگ سے شہری شدیدزخمی، آئی ایس پی آر

راولپنڈی: آئی ایس پی آر کے جاری بیان کے مطابق لائن آف کنٹرول پر بھارتی فوج نے بلا اشتعال فائرنگ کی ہے جس کے نتیجے میں ایک شہری شدید زخمی ہوگیا ہے، پاک فوج کی جانب سے بھارتی فائرنگ کا بھرپور جواب دیا گیا۔

پاک فوج کے شعبہ تعلقات عامہ (آئی ایس پی آر) کے جاری بیان کے مطابق بھارتی فوج نے بٹل سیکٹر پر جنگ بندی کی خلاف ورزی کی اور شہری آبادی کو نشانہ بنایا، فائرنگ کے نتیجے میں ایک 22 سالہ شہری شدید زخمی ہوگیا،جب کہ پاک فوج نے موثر جوابی کارروائی کرتے ہوئے بھارتی فائرنگ کا منہ توڑ جواب دیا۔

Indian Army troops unprovoked ceasefire violation in Battal Sector along #LOC, targeting civil population with mortars and heavy weapons, late last night. A 22 years old civilian got injured.
Pakistan Army troops responded effectively to Indian firing.

— DG ISPR (@OfficialDGISPR) July 5, 2020

یادرہے کہ رواں سال بھارت کی جانب سے لائن آف کنٹرول پر جنگ بندی کی 1546 بار خلاف ورزیاں کی گئی ہیں، بھارت کی جانب سے شہری آبادی کو نشانہ بنانے سے 15 افراد شہید اور 114زخمی ہوئے ہیں۔اقوام متحدہ اور عالمی طاقتیں تمام صورتحال پر اپنی آنکھیں بند کئے ہوئے ہیں۔