گوگل نیوز پر ہمیں فالو کریںچیئرمین پیپلز پارٹی بلاول بھٹو زرداری نے کہا ہے کہ میری ہمشیرہ آصفہ بھٹو زرداری میری نمائندگی کیلئے ملتان پہنچ رہی ہیں جہاں پاکستان ڈیموکریٹک موومنٹ (پی ڈی ایم) کا جلسہ ہو کر رہے گا۔
سماجی رابطے کی ویب سائٹ ٹوئٹر پر اپنے پیغام میں چیئرمین پی پی پی بلاول بھٹو زرداری نے کہا کہ پی ٹی آئی حکومت ملتان اور پنجاب میں پیپلز پارٹی کے یومِ تاسیس سے بوکھلا اُٹھی ہے۔
پیغام میں بلاول بھٹو زرداری نے کہا کہ حکومت نے ایک بار پھر ہمارے کارکنان پر حملہ کیا اور قاسم گیلانی سمیت ہمارے مختلف کارکنان کو گرفتار کر لیا۔ چاہے کچھ بھی ہو، ہم 30 نومبر کو پی ڈی ایم کی میزبانی کریں گے، آصفہ زرداری پہنچیں گی اور جلسہ ضرور ہوگا۔
پی ٹی آئی حکومت ملتان، پنجاب میں پی پی یوم تاسیس سے بوکھلا اٹھی ہے، حکومت نے ایک بار پھر حملہ کیا اور قاسم گیلانی سمیت ہمارے مختلف کارکنان کو گرفتار کرلیا، چاہے کچھ بھی ہو، ہم 30 نومبر کو PDM کی میزبانی کرینگے، آصفہ بھٹو زرداری میری نمائندگی کیلئے پہنچ رہی ہیں
جلسہ تو ہوکر رہے گا https://t.co/sRaTJ9Crgn— BilawalBhuttoZardari (@BBhuttoZardari) November 28, 2020
یاد رہے کہ اِس سے قبل پاکستان پیپلز پارٹی کی سینئر رہنما اور وزیرِ ترقئ نسواں سندھ سیّدہ شہلا رضا نے پی ڈی ایم رہنماؤں اور سیاسی کارکنان کی گرفتاری پر ردِ عمل دیتے ہوئے کہا ہے کہ ریاست بد ترین تشدد کر رہی ہے۔
ٹوئٹر پر اپنے پیغام میں صوبائی وزیر سیّدہ شہلا رضا نے کہا کہ سابق وزیرِ اعظم یوسف رضا گیلانی کے صاحبزادے علی حیدر گیلانی کو قاسم باغ کے باہر سے گرفتار کر لیا گیا جبکہ پولیس نے یوسف گیلانی کے دوسرے صاحبزادے قاسم گیلانی کو بھی گرفتار کر لیا۔
مزید پڑھیں: ریاست بد ترین تشدد کر رہی ہے، شہلا رضا کا گرفتاری پر ردِ عمل
