گوگل نیوز پر ہمیں فالو کریںاسلام آباد: پاکستان مسلم لیگ (ن) کے سینئر رہنما و سابق وفاقی وزیرِ داخلہ احسن اقبال نے تحریکِ انصاف کے میڈیا سیل پر برہمی کااظہار کرتے ہوئے حکومت کو منحوس قرار دے دیا ہے۔
سماجی رابطے کی ویب سائٹ ٹوئٹر پر اپنے پیغام میں ن لیگی رہنما احسن اقبال نے کہا کہ دیامر بھاشا ڈیم کو میں نے ایٹمی پروگرام جتنا اہم منصوبہ قرار دیا اور محنت کرکے سی پیک میں شامل کروایا لیکن تحریکِ انصاف کا میڈیا سیل جھوٹ بول رہا ہے۔
سابق وزیرِ داخلہ احسن اقبال نے کہا کہ پی ٹی آئی کے میڈیا سیل کے بقول میں دیامر بھاشا ڈیم کا مخالف تھا، اس سے اندازہ کریں کہ یہ کس طرح جھوٹ بول بول کر مخالفین کی کردار کشی کرتے ہیں۔ اسی لیے ان کی حکومت پر نحوست چھائی ہوئی ہے۔
دیامیر بھاشا ڈیم کو میں نے ایٹمی پروگرام جتنا اہم منصوبہ قرار دیا اور محنت کر کے سی پیک میں شامل کروایا مگر PTI کے میڈیا سیل کے بقول میں اس کا مخالف تھا- اس سے اندازہ کریں کہ یہ کس طرح مخالفین کی جھوٹ بول بول کر کردار کشی کرتے ہیں اسی لئے ان کی حکومت پر نحوست چھائی ہوئی ہے- pic.twitter.com/UOKKE0pqnl
— Ahsan Iqbal (@betterpakistan) June 5, 2020
ن لیگی رہنما احسن اقبال نے کہا کہ ملک کی معیشت اور سلامتی کو کینسر کے خلیوں (سیلز) کی طرح کھانے کے بعد بھوک، مہنگائی اور بے روزگاری کے ہاتھوں عوام کا قتل ہونے سے بچانے کیلئے اَب عمران خان کی حکومت سے نجات کی ویکسین ناگزیر ہوچکی ہے۔
ملک کی معیشت اور سلامتی کو کینسر کے cells کی طرح کھانے کے بعد بھوک، مہنگائی اور بیروزگاری کے ہاتھوں عوام کا قتل ہونے سے بچانے کے لئے اب عمران حکومت سے نجات کی ویکسین ناگزیر ہو چکی ہے-
— Ahsan Iqbal (@betterpakistan) June 5, 2020
