راولپنڈی: نوول کوروناوائرس کیخلاف اقدامات کے طور پر کئے گئے لاک ڈاؤن کی خلاف ورزی کرنے پر راولپنڈی میں مزید256افراد کو گرفتار کر لیا گیا ہے جبکہ پولیس نے 117مقدمات درج کرلئے ہیں۔
راولپنڈی پولیس مساجد میں مسلسل اعلان کرارہی ہے کہ لاک ڈاؤن کی پابندی کی جائے ، دوسری جانب پنجاب پولیس کا شہر بھر میں گشت بھی جاری ہے تاہم اس کے باوجود کچھ لوگ لاک ڈاؤن کی خلاف ورزی کررہے ہیں جس پر پولیس فوری طور پر ایکشن لے کر انہیں گرفتار کررہی ہے ۔
گزشتہ روز پوٹھوہار ڈویژن کی پولیس نے موٹرسائیکل پر ڈبل سواری کرنے ، پبلک ٹرانسپورٹ چلانے اور کھلانیں کھولنے پر تھانہ ایئرپورٹ، سول لائن، نصیر آباد، تھانہ صدر واہ، آر اے بازار، تھانہ مور گاہ اور ٹیکسلا میں 46افراد کو گرفتار کرکے 28مختلف مقدمات درج کرلئے ہیں۔
مزید پڑھیں:کورونا سے بچاو کیلئے کٹس نہ دینے پرڈاکٹرز اور پیرا میڈیکل اسٹاف کا احتجاج