قومی کرکٹ ٹیم کے دورہ نیدرلینڈز کا شیڈول جاری کردیا گیا، میچز آئی سی سی ورلڈکپ سُپر لیگ کا حصہ ہیں۔
تفصیلات کے مطابق پی سی بی کا اعلامیے میں کہنا ہے کہ سیریز میں شامل تینوں ون ڈے میچز روٹرڈم میں 16، 18 اور 21 اگست کو کھیلے جائینگے۔
خیال رہے کہ آئی سی سی مینز ورلڈکپ سپر لیگ میں شامل یہ سیریز جولائی 2020 میں شیڈول تھی تاہم کورونا کی وجہ سے ملتوی کردی گئی تھی۔
پی سی بی نے یہ اعلان ڈچ حکومت کی جانب سے کورونا وائرس کی وبا کے پیش نظر یکم ستمبر 2020 تک تمام اسپورٹس اور ثقافتی ایونٹس پر پابندی عائد کرنے کے بعد کیا تھا.
پاکستان اور نیدرلینڈز کی ٹیمیں اس سے قبل ون ڈے کرکٹ میں آخری مرتبہ کرکٹ ورلڈ کپ 2003 میں مدمقابل آئی تھیں جہاں پاکستان نے کرکٹ کی غیرمعروف ٹیم کو 97 رنز سے شکست دے دی تھی۔
آئی سی سی مینز ورلڈ کپ سپر لیگ میں پاکستان نے اب تک کھیلے گئے اپنے 12 میں سے 6 میچ جیت رکھے ہیں جبکہ نیدرلینڈز کی ٹیم 10 میں سے صرف 2 میچ ہی جیت سکی ہے۔
یہ بھی پڑھیں: بنگلہ دیش کے سابق اسپنر مشرف حسین انتقال کرگئے