شوبز انڈسٹری کی مقبول ترین جوڑی سجل علی اور احد رضا میر کی طلاق کے متعلق نیا دعویٰ سامنے آگیا۔
حال ہی میں سوشل میڈیا پر صحافی حسن چوہدری کا ایک ویڈیو کلپ سامنے آیا ہے جس میں وہ شوبز کی معروف خاتون صحافی آمنہ عیسانی سے آن لائن بات چیت کررہے ہیں۔
شو میں گفتگو کے دوران آمنہ عیسانی نے دعویٰ کیا کہ یہ بات بالکل کنفرم ہے کہ دونوں اداکاروں کے درمیان طلاق ہوچکی ہے۔
ان کا کہنا تھا کہ مارچ 2020 میں دونوں کی شادی ہوئی تھی تاہم اب مارچ 2022 میں دونوں کی طلاق ہوچکی ہے۔
آمنہ عیسانی نے دعویٰ کیا کہ کچھ دیگر ذرائع بھی ہیں جنہوں نے یہ خبر کنفرم کی ہے کہ دونوں اداکاروں کے درمیان طلاق ہوچکی ہے۔
ان کا کہنا تھا کہ اس حوالے سے فی الحال کچھ بھی کہنا آسان نہیں ہے کیوں کہ دونوں افراد کے لیے طلاق ایک دردناک تجربہ ہے۔
ان کے مطابق کیونکہ شوبز شخصیات کی جانب سے فی الحال علیحدگی پر کوئی بات نہیں کی گئی لہذا علیحدگی کی وجوہات سے متعلق بات نہیں کی جا سکتی۔
یہ بھی پڑھیں:اداکار فیروز خان کی بہن دعا ملک رمضان ٹرانسمیشن کرینگی