گوگل نیوز پر ہمیں فالو کریںکراچی :چیئرمین بلدیہ وسطی محمد ریحان ہاشمی نے کہا ہے کہ ضلع وسطی کو مثالی ضلع بنانے کے لیے ہر ممکن اقدامات کررہے ہیں اور جلد عوام کو خوبصورت صاف ستھرا اور ہرا بھرا ضلع دیں گے۔
ان خیالات کا اظہار انہوں نے نجی فلاحی تنظیم اون کراچی فاؤنڈیشن کے عہدیداروں کی ضلعی دفتر آمد اور ملاقات کے دوران کیا۔
اس موقع پر چیئرمین اسٹینڈنگ کمیٹی ٹیکسیشن مستفیض فاروقی،چیئرمین پارکس ظفر اعجاز، پارلیمانی لیڈر صابر اور اراکین کونسل شمشاد زیدی، ڈائریکٹر باغات ندیم حنیف، ڈائریکٹر اشتہارات شمعونہ صدف، ڈائریکٹر ٹیکسز اختر رضا و دیگر بلدیاتی افسران بھی موجود تھے۔
ریحان ہاشمی نے ضلع وسطی کو ماڈل ضلع بنانے، شاہراہوں کو سرسبز و خوبصورت بنانے اور مختلف مقامات پر فوڈاسٹریٹ کے قیام کے لئے تجاویز بھی طلب کیں۔
مزید پڑھیں:شہر قائد میں کل سے سردی کی نئی لہرکی آمد ،پارہ 10 ڈگری تک گرنے کاامکان
