آن لائن اسٹریمنگ پلیٹ فارم نیٹ فلکس کی سیریز ہیرا منڈی کا پریمئر حال ہی میں ہمسایہ ملک بھارت میں ہوا جس میں متعدد بالی ووڈ ستاروں نے شرکت کی ہے۔
بالی ووڈ کے مشہور و معروف چہروں نے ریمپ واک کی اور تصاویر کھنچوائیں جبکہ ہیرا منڈی وہ سیریز ہے جس کا فلم بینوں اور نیٹ فلکس کے ناظرین و سامعین کو طویل عرصے تک انتظار کرنا پڑا۔
ہیرا منڈی کے پریمئر کی شام یادگار بنانے کیلئے آننیا پانڈے، رشمیکا مندنا، بھومی پدنیکر، ہما قریشی اور دیگر فنکار بھی اس ایونٹ کا حصہ بنتے نظر آئے، مختلف پوز دئیے اور تصاویر بھی کھنچوائیں۔
اگر ہیرا منڈی کی بات کی جائے تو اسے سادہ الفاظ میں طوائفوں کا بازار قرار دیا جاسکتا ہے اور نیٹ فلکس سیریز کی کہانی بھی کچھ اسی قسم کی ہے۔
سنجے لیلا بھنسالی ایک باصلاحیت فلمساز ہیں جنہوں نے ہیرا منڈی جیسی کہانی کیلئے منیشا کوئرالا، سوناکشی سنہا، فردین خان، آدیتی راؤ حیدری، رچا چڈھا، سنجیدہ شیخ، شرمین سہگل، طٰحٰہ شاہ، شیکھر سمن اور آدھیان سمن جیسے فنکاروں کے ساتھ کام کیا۔
دلچسپ طور پر شیکھر سمن کے ہمراہ بالی ووڈ فلم ”جشن“ میں ہیرو کا رول نبھانے والے بالی ووڈ فنکار آدھیان سمن پوز دیتے نظر آئے جن کو بالی ووڈ میں باصلاحیت ہونے کے باوجود زیادہ کام نہیں مل سکا۔