کراچی : قائد آباد سب ڈویژن کے دو تھانوں قائد آباد و شرافی گوٹھ اور انویسٹی گیشن پولیس نے کرمنلز و جرائم پیشہ ، گٹکا مافیا، لینڈ گریبرز، سنگین مقدمات میں پولیس کو مطلوب مفرور و اشتہاری ملزمان کے خلاف کریک ڈاؤن کے دوران مجموعی 82ملزمان گرفتار کر کے اسلحہ ، منشیات، گٹکا ماوا، موٹر سائیکلیں، لوٹا و چھینا ہوا مال برآمد کر لیا۔
ایس ایس پی ضلع ملیر سید علی رضا کے احکامات پر سب ڈویژن پولیس آفیسر قائدآباد (SDPO)اعجاز حسین مغل کی نگرانی میں ایس ایچ او قائدآبادمحمد امین کھوسہ ، ایس ایچ او شرافی گوٹھ مصطفی کمال شاہ ، ایس آئی او (SIO)قائدٓاباد انسپکٹر ملک ممتاز اور (SIO)شرافی گوٹھ نے ڈکیٹ و اسٹریٹ کرمنلز ، منشیات و گٹکا مافیا، لینڈ گریبر، مفرور و اشتہاری ملزمان اور دیگر کرمنلز کے خلاف کامیاب کاروائیاں کیں۔
کارروائیوں کے دوران SHOشرافی گوٹھ مصطفی کمال شاہ اور ایس آئی او (SIO)شرافی گوٹھ نے الگ الگ کاروائیوں کے دوران مجموعی 45ملزمان گرفتار کیے۔ ملزمان میں 7ڈکیٹ ، اسٹریٹ کرمنلز، منشیات کے مقدمات میں 26ملزمان ، گٹکا مافیا کے 3اور لینڈ گریبر 7شامل ہیں۔
گرفتار شدگان کے قبضے سے 6پستول، 6میگزین، متعدد کارتوس، گن پوائنٹ پر چھینی ومسروقہ 2موٹر سائیکلیں، بھاری مقدار میں گٹکا ماوا، وارداتوں میں لوٹی و چھینی ہوئی پراپرٹی، لینڈ مافیا کا ساز و سامان و دیگر اشیاء برآمد کرلیں۔
سنگین مقدمات میں پولیس کو مطلوب 2مفرور و اشتہاری بھی شامل ہیں۔ گرفتار ملزمان میں بعض ملزمان اس سے قبل بھی گرفتار ہو کر جیل کاٹ چکے ہیں اور کئی مقدمات میں ملوث ہیں۔
مزید پڑھیں :پولیس کاوفاداری کاحلف لیکربھرتی ہونے والے اہلکاروں سے دوبارہ حلف لینے کافیصلہ