بے نظیر بھٹو کا 16واں یومِ شہادت آج منایا جارہا ہے جبکہ پاکستان کی پہلی خاتون وزیر اعظم کے طور پر سامنے آنے والی بے نظیر بھٹو ایک زیرک سیاستدان اور باہمت خاتون بن کر ابھریں۔
ابتدائی زندگی کی بات کی جائے تو بے نظیر بھٹو سابق وزیراعظم ذوالفقار علی بھٹو کے بچوں میں سب سے بڑی تھیں جن کی ایک تاریخی تصویر میں سب کو ایک ساتھ دیکھا جاسکتا ہے۔
پیدائش کا ذکر کیجئے توبے نظیر بھٹو 1953 میں ذوالفقار بھٹو کے ہاں پیدا ہوئیں، اپنے بھائی مرتضیٰ کے ہمراہ بے نظیر بھٹو کی اپنے والد کے ہاتھوں میں یہ تصویر ایک یادگار کی حیثیت رکھتی ہے۔
بالآخر وہ خون آشام دن آگیا۔ 27دسمبر 2007 کو راولپنڈی کے لیاقت باغ میں ایک دہشت گردی کے حملے میں قوم کی بیٹی اور سابق وزیراعظم بے نظیر بھٹو کی شہادت ملکی تاریخ کا وہ المناک باب ہے جس پر قومی تاریخ مدتوں نوحہ کناں رہے گی۔