گوگل نیوز پر ہمیں فالو کریںعازمینِ حج اڑان بھرنے سے 6گھنٹے پہلے ائیرپورٹ پہنچیں، جناح ائیرپورٹ پر کراچی سے سعودی عرب روڈ ٹو مکہ منصوبے کی تیاریاں مکمل کر لی گئیں۔
نجی ٹی وی (اے آر وائی نیوز) کی رپورٹ کے مطابق سول ایوی ایشن اتھارٹی نے ائیرپورٹ پر 8 سعودی امیگریشن کاؤنٹرز قائم کیے جن پر امیگریشن کے سسٹم نصب ہیں۔ عازمینِ حج کو پرواز سے 6 گھنٹے قبل ائیرپورٹ پہنچنے کی ہدایت دے دی گئی۔
سول ایوی ایشن حکام کا کہنا ہے کہ عالمی روانگی لاؤنج کا گیٹ نمبر 24 سعودی امیگریشن اور کسٹم حکام کیلئے مختص ہوگا۔ سعودی امیگریشن عملہ روڈ ٹو مکہ منصوبے کے تحت عازمینِ حج کی امیگریشن کا عمل مکمل کرے گا۔
شہرِقائد کا جناح انٹرنیشنل ائیرپورٹ روڈ ٹو مکہ منصوبے کا حصہ ہے۔ کل 9 مئی کو 2 نجی ائیر لائن پروازیں روڈ ٹو مکہ منصوبے کے تحت پہلی بار حج کیلئے اڑان بھریں گی جبکہ منصوبے کے تحت 16000سے زائد عازمین سعودی عرب پہنچیں گے۔
حکام کا کہنا ہے کہ سعودی عرب پہنچنے والے عازمینِ حج امیگریشن کیلئے انتظار کی زحمت سے بچ جائیں گے۔ روڈ ٹو مکہ منصوبہ پاکستان اور سعودی عرب کے مابین تاریخی، برادرانہ اور مذہبی تعلقات کی روشن مثال ہے۔
خبر کے متعلق سوال و جواب:
