وفاقی دارالحکومت اسلام آباد میں حکومت اور عمران خان کے مابین معاہدے کی بازگشت سنائی دے رہی ہے، کہا جارہا ہے کہ عمران خان اسلام آباد میں جلسہ کرکے چلے جائیں گے۔ آزادی مارچ نہیں ہوگا۔
سماجی رابطے کی ویب سائٹ ٹوئٹر پر معروف صحافی اور ٹی وی میزبان غریدہ فاروقی نے کہا کہ انقلاب یو ٹرن لے چکا، حکومت اور اپوزیشن کے درمیان معاہدہ طے ہوگیا۔
حقیقی آزادی لے کر رہیں گے۔ عمران خان کا آزادی مارچ کیلئے ویڈیو پیغام جاری
ٹوئٹر پیغام میں غریدہ فاروقی نے مزید کہا کہ اب لانگ مارچ نہیں، اسلام آباد میں صرف جلسہ ہوگا اور اس کے بعد عمران خان سمیت سب گھروں کو واپس چلے جائیں گے۔
انقلاب کا یُوٹرن ۔۔!!! حکومت اپوزیشن کے درمیان معاہدہ طے۔۔!! اب لانگ مارچ نہیں، اسلام آباد میں صرف جلسہ ہو گا۔ جلسے کے بعد عمران خان سمیت سب گھروں کو واپس۔ ختم شُد۔۔!
— Gharidah Farooqi (T.I.) (@GFarooqi) May 25, 2022
دوسری جانب ٹوئٹر ہینڈل کے ذریعے حقیقت ٹی وی نامی یو ٹیوب چینل کا کہنا تھا کہ عمران خان کی پارٹی میں مخالف قوتوں کے ایجنٹ بیٹھے ہیں جو جلسے اور دھرنے کا کہہ رہے ہیں۔
نجی یو ٹیوب چینل نے مزید کہا کہ مخالف قوتوں کے ایجنٹ عمران خان سے کہہ رہے ہیں کہ ہم ایک خاص جگہ دھرنا دیں گے یا جلسہ ہوگا۔ وہ کنٹینر پر کھڑے ہو کر وکٹ کی دونوں جانب کھیل رہے ہیں۔
اس حوالے سے نجی یو ٹیوب چینل کا مزید کہنا ہے کہ عمران خان کو چاہئے کہ سڑکوں پر رہیں اور اندر چھپے ڈبل ایجنٹوں سے خبردار رہیں جو ان کا آزادی مارچ فلاپ کروانا چاہتے ہیں۔
عمران خان کی پارٹی میں مخالف قوتوں کے ایجنٹ بیٹھے ہیں جو انکو کہہ رہے کہ ہم ایک خاص جگہ دھرنا دیں گے یا جلسہ ہوگا وہ لوگ کنٹینر پر کھڑے ہیں اور وکٹ کے دونوں جانب کھیل رہے. عمران خان کو چاہیے سڑکوں پر رہے اور اندر چھپے ڈبل ایجنٹوں سے خبردار رہے جو لانگ مارچ فلاپ کروانا چاہتے ہیں
— Haqeeqat TV (@Haqeeqat_TV) May 25, 2022