موٹر وے پولیس نے دو بچوں کو فیملی سے ملا دیا،قیمتی فون مالک کے حوالے

اسلام آباد: نیشنل ہائی وے اینڈ موٹر وے پولیس نے گھر سے ناراض ہو کر بھاگے ہوئے دو بچوں کو گھر والوں سے ملا دیا۔ ایک اور واقعے میں ڈیڑھ لاکھ روپے مالیت کا موبائل فون تلاش کر کے مالک تک پہنچا دیا۔

موٹروے پر چارسدہ کے قریب دوران پٹرولنگ پولیس افسران نے سڑک کے کنارے دو کم سن بچوں کو پریشان حال دیکھا جن میں 12 سالہ عبداللہ اور 9 سالہ ادریس شامل تھے ۔پوچھنے پر پتہ چلا کہ دونوں بچے کے گھر والوں سے جھگڑ کر ناراض ہو کر راولپنڈی کی جانب جا رہے ہیں ۔

بچوں کے پاس گھر والوں کا کوئی رابطہ نمبر بھی موجود نہ تھا اس صورتحال میں موٹروے پولیس نے تمام مسائل بروئے کار لاتے ہوئے بچوں کے گھر والوں کا پتہ لگا کر دونوں بچوں کو گھر والوں کے حوالے کر دیا۔

ایک اور واقعہ جس میں نواز طاہر جو کہ اپنی ذاتی گاڑی میں اسلام آباد سے لاہور کی جانب جا رہے تھے انہوں نے ہیلپ لائن 130 پر اطلاع دی کہ وہ موٹروے پر بھیرہ کے قریب رکھے تھے جہاں ممکنہ طور پر ان کا موبائل سڑک کنارے گر گیا ہے۔

مزید پڑھیں:بلیوورلڈ ہاؤسنگ سوسائٹی کیخلاف کارروائی کیلئے آر ڈی اے نے نیب کو خط لکھ دیا

اطلاع پاتے ہی موٹروے پولیس موقع پر پہنچ گئی اور ڈیڑھ لاکھ مالیت کا موبائل تلاش کر کے مالک کو اطلاع کر دی گئی بعد ازاں مالک نے آکر اپنا موبائل وصول کیا اور موٹروے پولیس کا شکریہ ادا کیا ۔