سابق قومی اسٹار کرکٹر شعیب اختر نے کہا ہے کہ میں نے اپنے بیان سے تشکیل کی گئی متنازعہ خبر کو دیکھا، مجھے علم ہوا کہ میرے بیان کو پس منظر سے ہٹ کر پیش کیا گیا اور غلط خبر چلائی گئی۔
سماجی رابطے کی ویب سائٹ ٹوئٹر پر اپنے پیغام میں راولپنڈی ایکسپریس کہلانے والے دنیا کے تیز ترین سابق فاسٹ باؤلر شعیب اختر نے کہا کہ خبر میرے بیان سے بالکل الگ ہے جبکہ میں نے (قومی کرکٹ ٹیم پر) ہونے والی تنقید کا جواب دیا۔
فاسٹ باؤلر شعیب اختر نے کہا کہ میں نے تنقید کا جواب دینے کے لیے ایک مکمل ردِ عمل دیا جس کے دوران ہر بات کا نکتہ بہ نکتہ جواب دیا ہے۔ آپ متنازعہ خبر کی بنیاد بننے والی ویڈیو دیکھئے، اس سے آپ کو خود پتہ چل جائے گا۔
I watched the mess that was made of my statement, which was taken completely out of context.
I have given a thorough & complete response to all the criticism, addressing it point by point. Watch the video. Understand what i was trying to say.https://t.co/9NY5zPIAdW pic.twitter.com/gxb5M5eGsd— Shoaib Akhtar (@shoaib100mph) December 28, 2019
یاد رہے کہ اس سے قبل پاکستان کے سابق فاسٹ بولر شعیب اختر نے دعویٰ کیا کہ لیگ اسپنر دانش کنیریا کو ہندو مذہب کی وجہ سے ٹیم میں امتیازی سلوک کا نشانہ بنایا جاتا تھا۔
انھوں نے ایک گزشتہ ویڈیو انٹرویومیں کہا کہ کئی کھلاڑی اسی وجہ سے کنیریا کے ساتھ کھانا نہیں کھاتے تھے، میں ہمیشہ ہی انھیں ایسا کرنے سے منع کرتا تھا، بہت سے لوگ اسی وجہ سے دانش کنیریا کی ٹیم میں موجودگی کے بھی خلاف تھے۔
مزید پڑھیں: دانش کنیریا کو امتیازی سلوک کا نشانہ بنایاگیا، شعیب اختر